OCTOBER 28–NOVEMBER 3

SALAMO 103-104

Lwimbo 30 ne Lulombelo | Byambo bya Kushinkwila (Mini. 1)

BYA BUNEME BIJI MU MAMBO A LESA

1. Yehoba Uvuluka’mba “twi Lukungu”

(Mamini. 10)

Yehoba witulangulukilako mambo uji bingi na lusa (Sl 103:8; w23.07 21 jifu. 5)

Kechi witulengelula inge twalubankanya ne (Sl 103:9, 10; w23.09 6-7 jifu. 16-18)

Kechi ukeba’mba tumubilenga bintu byakila pa bulume bwetu ne (Sl 103:14; w23.05 26 jifu. 2)

Mwanamulume ubena kuteleka mukazhanji byo abena kumubula biji ku muchima.

IIPUZHAI’MBA, ‘Nanchi ndangulukilako benakwami byonka byuba Yehoba nyi?’

2. Bishinka Bikwabo Byanema

(Mamini. 10)

Sl 104:24—Kino kinembelo kitufunjishapo ka pa busendwe bwa kwa Yehoba bumwekela mu byo alenga? (cl 55 jifu. 18)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Sl 104:1-24 (th lufunjisho 11)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) BUSAPWISHI BWA PA MVULA BANTU. (lmd lufunjisho 3 kishinka 4)

5. Pa Kubwelako

(Mamini. 4) KU NZUBO KU NZUBO. Isambai pa vidyo wa kuba’mba Tubena Kwimutambwila ku Lunengezho lwa Kufunda Baibolo na muntu waswile kumufunjisha Baibolo. (th lufunjisho 9)

6. Jashi

(Mamini. 5) lmd bya kulumbulula 1 kishinka 6—Kishina: Mwanamulume Wafwainwa “Kutemwa Mukazhanji Byonka byo Etemwa aye Mwine.” (th lufunjisho 1)

BYAFWAINWA KWIKALA BENA KILISHITU

Lwimbo 44

7. Nanchi Mwayuka Bintu byo Mukankalwa Kuba Bulongo Nyi?

(Mamini. 15) Mwisambo.

Kwingijila Yehoba papelela bulume bwetu kwituletela bingi lusekelo. (Sl 73:28) Bino kwingila papelela bulume bwetu kwa kubula kulanguluka pa bintu byo tukankalwa kuba bulongo kulengelatu kulefulwa.

Nyenga mwanyike wa mu vidyo wa kuba’mba “Twafwainwa Kwingila Mingilo Yavula Inge Twibikila Bintu byo Tukebesha Kuba.”

Tambishai VIDYO wa kuba’mba Twafwainwa Kwingila Mingilo Yavula Inge Twibikila Bintu byo Tukebesha Kuba. Apa bino mwipuzhe luonde amba:

Ñanyi bintu Yehoba byo akeba amba tubenga? (Mik 6:8)

Nembaipo mukumbu yenu

Bipikichala byafuma mu vidyo wa kuba’mba “Twafwainwa Kwingila Mingilo Yavula Inge Twibikila Bintu byo Tukebesha Kuba.” Nyenga uji na banyenga bakwabo mu kishimikwa mwa kutomena kofi babena kutundaika ye afunjisha Baibolo.

Ñanyi kintu kyakwashishe nyenga mwanyike kuleka kwaka- mwa’mba kana ukafikizha kikonkwanyi kyo ebijikile nyi?

Nembaipo mukumbu yenu

HTWAKONSHA KUBA BYEPI NA BINTU BYO TUKANKALWA KUBA?

Kwiesakanyanga ku bakwenu ne. (Nga 6:4) Kange mulangulukenga’mba byonse byuba bakwenu ne anweba mwakonsha kwibyuba ne. Mambo mwakonsha kukilapo nangwa kukankwala kuba byuba bakwenu bo muji nabo jifumbi jimo nangwa bekala bwikalo bonka bomwikalapo
Moyo kechi wafwainwa kwimulengelanga kubula kwibikako ne. (Lo 12:1; 1Ko 7:31) Kange mukankazhamenga kutendeka kwingila mwingilo ye mulanguluka’mba kechi mwakonsha kumwingila ne, nangwa kampe amba kechi ukemuletelanga lusekelo ne.—Mal 3:10
Monainga byo mwakonsha kwingila kupichila mu kwibikila bikonkwanyi bya pa kakimye bicheche. Nanchi mubena kukeba kuyuka inge mukakonsha kwingila bupainiya bwa kimye kyonse nyi? Mwakonsha kutendekelapo kwingilako kimye kyabaya mu mwingilo wa kusapwila nangwa kwingilako bupainiya bwa kukwasha. Nangwa kweseka kwingilako bupainiya bwa kimye kyonse pa mwaka umo. Nangwa kya kuba mwapwisha’mba kechi mwakonsha kwingila bupainiya bwa kimye kyonse, nangwatu pa mwaka umo ne, bino mukekala bingi na lusekelo inge mwatendekako kwibikila bikonkwanyi bicheche bikemukwasha kufikizha kino kikonkwanyi.—Mus 6:9
Pimpulainga bikonkwanyi byenu. Bwikalo bwaluka, ne bintu byo twakonsha kuba nabyo bipimpulwa. Onkao mambo, langulukaipo pa bikonkwanyi byenu inge bwikalo bwapimpula.

8. Lufunjisho lwa Baibolo lwa Kipwilo

(Mamini. 30) bt kita. 17 mafu. 8-12, kakitenguluzha pa ji. 137