NOVEMBER 18-24
SALAMO 107-108
Lwimbo 7 ne Lulombelo | Byambo bya Kushinkwila (Mini. 1)
1. “Musanchilai Yehoba, Mambo Wawama”
(Mamini. 10)
Byonkatu Yehoba byo afumishe bena Isalela mu Babilona, ne atweba byo byo etupokolola mu ntanda ya kwa Satana (Sl 107:1, 2; Kol 1: 13, 14)
Kusanchila Yehoba kwitulengela kumutota mu kipwilo (Sl 107:31, 32; w07 4/15 20 jifu. 2)
Kulanguluka pa byauba Yehoba bimwesha byo etutemwa kwitulengela kwikala na muchima wa kusanta (Sl 107:43; w15 1/15 9 jifu. 4)
2. Bishinka Bikwabo Byanema
(Mamini. 10)
Sl 108:9—Kwesakanya bena Moabu ku ‘shomeka wa kowelamo,’ kulumbulula ka? (it-2 420 jifu. 4)
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Sl 107:1-28 (th lufunjisho 5)
4. Bya Kutendeka Mwisambo
(Mamini. 3) BUSAPWISHI BWA KUSHUKILWA. (lmd lufunjisho 1 kishinka 4)
5. Pa Kubwelako
(Mamini. 4) BUSAPWISHI BWA KUSHUKILWA. Mubuulai pa lunengezho lwa kufunda Baibolo, ne kumupa kakikachi ka kulombelapo lufunjisho lwa Baibolo. (lmd lufunjisho 9 kishinka 3)
6. Jashi
(Mamini. 5) ijwyp 90—Kishina: Nakonsha Kuchinuzhuka Byepi Ndangulukilo Yatama? (th lufunjisho 14)
Lwimbo 46
7. Tusanchila Yehoba pa Kwimba
(Mamini. 15) Mwisambo.
Bena Isalela baumvwine bingi moyo na mambo a nzhita ya bena Ijipita yajinga bingi na bulume. Bino Yehoba byo ebapokolwele pa Kalunga Kachila, batendekele kwimba nyimbo ya kumutota.(Lup 15:1-19) Banabalume bo basawilenga uno lwimbo wakatataka. (Lup 15:21) Yesu ne bena Kilishitu batanshi nabo baimbanga nyimbo ya kutota Lesa. (Mat 26:30; Kol 3:16) Ne mu ano moba twatwajijila kwimba nyimbo ya kutota Yehoba pa kupwila, pa kubuñana, ne pa kushonkena. Nabiji lwimbo ye twafumatu na kwimba wa kuba’mba, , “Twimusanchila Anweba Yehoba,” twatendekele kumwimba pa kupwila mu 1966.
Mu bisho bimo, banabalume bomvwa bumvu kwimba pa bantu bavula. Bakwabo nabo bakankazhama kwimba na mambo a kuchina’mba baji na jiwi jatama. Nangwa byonkabyo, atweba bonse twafwainwa kuvulukanga kuba’mba kwimba ke lubaji lwa mpompwelo yetu. Jibumba ja Yehoba jingila bingi na ngovu pa kunengezha nyimbo ne pa kusala nyimbo ya kwimba pa kupwila. Atweba kyetu ke kwimbilatu pamo na bakwetu kufuma panshi ya muchima, kumwesha patoka byo tumusanchila Shetu wa mwiulu.
Tambishai VIDYO wa kuba’mba Kufuma Kala Kufika ne Luno—Bupe bwa Kwimba, Lubaji 2. Apa bino mwipuzhe luonde amba:
Ñanyi kintu kyanema bingi kyamwekele mu 1944?
Balongo ne banyenga ba mu kyalo kya Siberia bamwesheshe byepi byo banemekele kwimba nyimbo ya Bufumu?
Mambo ka Bakamonyi ba kwa Yehoba o banemekela bingi kwimba nyimbo ya Bufumu?
8. Lufunjisho lwa Baibolo lwa Kipwilo
(Mamini. 30) bt kita. 18 mafu. 6-15