MARCH 17-23
BYAMBO BYA MAANA 5
Lwimbo 122 ne Lulombelo | Byambo bya Kushinkwila (Mini. 1)
1. Chinuzhukainga Bulalelale
(Mamini. 10)
Bantu bavula besekwa kuba bulalelale (Man 5:3; w00 7/15 29 jifu. 1)
Mu kuba bulalelale mufuma bintu byatama (Man 5:4, 5; w00 7/15 29 jifu. 2)
Chinuzhukainga bulalelale (Man 5:8; w00 7/15 29 jifu. 5)
Nyenga mwina Kilishitu ubena kukaana kupa nsongwalume nambala yanji ya foni
2. Bishinka Bikwabo Byanema
(Mamini. 10)
Man 5:9—Bulalelale bwakonsha kwimulengela byepi “kupana munema wenu ku bantu bangi”? (w00 7/15 29 jifu. 7)
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Man 5:1-23 (th lufunjisho 5)
4. Bya Kutendeka Mwisambo
(Mamini. 3) BUSAPWISHI BWA PA MVULA BANTU. Itai muntu wabula kwitabila mwi Yesu ku Kivuluko, kabiji ingijishai keyala wa jw.org kumumwesha bya kutaana mpunzha kukekela Kivuluko kwipi na ko ekala. (lmd lufunjisho 6 kishinka 4)
5. Pa Kubwelako
(Mamini. 4) KU NZUBO KU NZUBO. Kimye kyo mwaishileko na kumwita kutanwa ku Kivuluko waswile kabiji wateleko muchima. (lmd lufunjisho 9 kishinka 5)
6. Kufunjisha Bantu Kwikala Baana ba Bwanga
(Mamini. 5) lff lufunjisho 16 ñanyi bishinka byo mwafunda, mepuzho a kupitulukamo, ne ubai bino. Kwashai ye mufunjisha Baibolo wimwipuzha inge kya kuba Yesu wasongwele bya kutaana mukumbu. (lmd lufunjisho 11 kishinka 4)
Lwimbo 121
7. Chinuzhukainga Bintu Byakonsha Kufichisha Yehoba ku Muchima inge Mwiipanguzha
(Mamini. 15) Mwisambo.
Kwipanguzha kilumbulula “kimye bantu babiji kyo bobila bintu pamo na mulanguluko wa kukeba kwiyuka bulongo.” Bakonsha kuba bino paji bantu bavula nangwa kwa bubiji bwabo, pa foni nangwa kwitumina tubyambo. Tumona kwiipanguzha amba ke kimye kyanema bingi kechi kimye kya kukaya ne, mambo ke kimye kya kwinengezha kutwela mu masongola. Ñanyi bintu byafwainwa kukwasha bantu beipanguzha, bakulumpe nangwa banyike kuchinuzhuka kuba bulalelale?—Man 22:3.
Tambishai lubaji lwafuma mu VIDYO wa kuba’mba Bya Kunengezha Masongola—Lubaji 1: Nanchi Nafikilamo Kutwela mu Masongola Nyi? Apa bino mwipuzhe luonde amba:
Mambo ka o kyanemena muntu kwipanguzhatu inge winengezha kutwela mu masongola? (Man 13:12; Luk 14:28-30)
Ñanyi bintu byo mwaji kutemwa bya kuba bansemi pa kukwasha mwanabo wamukazhi?
Tangai Byambo bya Maana 28:26. Apa bino mwipuzhe luonde amba:
Beipanguzha bakonsha kuchinuzhuka byepi bintu byakonsha kwibalengela kuba bulalelale?
Mambo ka beipanguzha o bafwainwa kwisambila pa bya kwimwesha butemwe, nabiji kwikwata ku maboko ne kwifyompa?
Tangai Efisesa 5:3, 4. Apa bino mwipuzhe luonde amba:
Ñanyi bintu byafwainwa kuvulukanga beipanguzha kimye kyo babena kwisamba pa foni nangwa kwingijisha mashinda akwabo a kwisambilamo pa intaneti?
8. Lufunjisho lwa Baibolo lwa Kipwilo
(Mamini. 30) bt kita. 24 mafu. 1-6