Nanchi Mwakiipuzhapo Kala ano Mepuzho nyi?

• Inge Lesa wituta muchima, mambo ka o aswishisha bubi ne buyanji kutwajijila pa myaka yavula?

• Twakonsha kushiinwa byepi kuba’mba tubena kwikala mu moba a kupelako?

• Twayuka byepi amba milaye ya mu Baibolo yaamba pa Bufumu bwa Lesa ikafika?

• Nanchi Baibolo wakonsha kwitukwasha kufuukula bintu bulongo mu bwikalo nyi?

Mulenga wetu witutemwa bingi. O ene mambo o akumbwila ano mepuzho ne akwabotu. Pa kuba’mba muyuke mikumbu ya ano mepuzho, yai pa keyala wetu wa www.jw.org/kqn, ukwasha bantu kufunda Baibolo.

Pa uno keyala paji bipikichala bya kwimukwasha kufunda, bibaaba byaamba pa mitwe yapusana pusana, mavidyo, bifwanyikizho bya mawitu, misambo, mabuku apusana pusana, kubikapotu ne Baibolo. Abino byonse mwakonsha kwibikopolola kyatutu.