Lufuunjisho 16

Kufuukula Kwenu Kwakwingijila Lesa

Mwafwainwa kuuba byepi pakuba’mba mwikale mulunda ne Lesa? (1, 2)

Mwakonsha kwiipana byepi kwi Lesa? (1)

Ñanyi kimye kyo mwakonsha kubatizhiwa? (2)

Mwakonsha kwikala byepi na bulume bwa kwikala wa luketekelo kwi Lesa? (3)

1. Kwikala mulunda ne Lesa, mwafwainwa kwikala na buyuuke bwa kiine kya Baibolo (1 Timoti 2:3, 4), kwikala na luketekelo lwa bintu byo mwafuunda (Behebelu 11:6), kulapila ku bundengamambo bwenu (Byubilo 17:30, 31), ne kwalulula jishinda ja buumi bwenu. (Byubilo 3:19) Kabiji butemwe bomuji nabo pe Lesa busakwimulengela kwiipana ane bene kwi aye. Kino kyalumbulula’mba mwafwainwa kumubuula mu milombelo yenu yakumbaji ’mba mubena kwiipana anebene kwiaye kuba kyaswa muchima wanji.—Mateo 16:24; 22:37.

2. Panyuma ya kwiipana kwenu kwi Lesa, mwafwainwa kubatizhiwa. (Mateo 28:19, 20) Lubatizho lubuula bonse kuba’mba mwiipana ane bene kwi Yehoba. Lubatizho ke lwa bakoma bakonsha kwifuukwila kwingijila Lesa. Muntu pa kubatizhiwa, mubiji wanji yense wafwainwa kwibizhiwa mu meema pa kakimye kacheche.a—Mako 1:9, 10; Byubilo 8:36.

3. Panyuma ya kwiipana kwenu, Yehoba ukakeba aneba kufikizha mulaye wenu. (Masalamo 50:14; Musapwishi 5:4, 5) Diabola ukemweseka kuba’mba mwikileke kwingijila Yehoba. (1 Petelo 5:8) Bino fwenyai kwiipi ne Lesa mu milombelo. (Filipai 4:6, 7) Fuundai Mawi anji pa juba ne pa juba. (Masalamo 1:1-3) Lamachishai ku kipwilo. (Bahebelu 13:17) Kuba byonse bino, musakutaana bulume bwa kwikala wa lwiitabilo kwi Lesa. Myaka ne myaka mwakonsha kuba bintu Lesa byoakeba kwianeba!

[Tubyambo twa mushi]