LWIMBO 92
Nzubo ya Kutumbijikilamo Jizhina Jenu
1. Twasanta anweba Yehoba,
Pa kwitupapo mwingilo!
Wa kwimushimikila nzubo
Momo twimupopwelanga.
Byonse byo twakonsha kwimupa,
Byaikela jimo byenu.
Mingilo ne bintu byonsetu,
Tupana na lusekelo.
(KOLASI)
Ino nzubo twiipana,
Ya kwimupopwelamo.
Twiipana kwi anweba;
Kine itambulai.
2. Tata twimutumbijikanga,
Mu ino nzubo yenutu.
Bantu bakwimutakaika
Nweba bavujilengako.
Nzubo ya kwimupopwelamo,
Twiilamanga bulongo.
Ishimunenga bukamonyi,
Byonkatu byo tusapwila.
(KOLASI)
Ino nzubo twiipana,
Ya kwimupopwelamo.
Twiipana kwi anweba;
Kine itambulai.
(Kabiji monai 1 Mfu. 8:18, 27; 1 Moba 29:11-14; Byu. 20:24.)