“Mwazhilulwile Nzubo Yami Yazhila”—Baonawine Bupopweshi bwa Kine

Yehoba watemenwe bingi bena Isalela kabiji wibalamanga bulongo mambo ‘wibanemekele bingi.’ (Lupu. 19:5, tubyambo twa munshi.) Bino abo bamwalukilemo Yehoba ne kutendeka kupopwela bankishi mu nzubo yatelwanga pa jizhina janji. Bamufichishe Yehoba ku muchima kabiji baletele mwenga pa jizhina janji. Ñanyi kintu kyalengejile bena Isalela kutendeka kuba byatama? Twakonsha kufunjilako ka ku bungauzhi bwaawile Ezikyo pa konaunwa kwa Yelusalema? Kabiji ñanyi bintu byo twakonsha kufunjilako ku byaikalanga bena Isalela na bisaka bya bantu bibazhokolokele?