LUFUNJISHO 12

Kwamba na Lusa ne Kumwesha Kifyele

1 Tesalonika 2:7, 8

BYO MWAFWAINWA KUBA: Ambainga na lusa ne kumwesha bantu amba mwibata bingi muchima.

Langulukai pa bantu. Kimye kyo mubena kunengezha bya kwamba, langulukai pa makatazho abena kupitamo bantu, kabiji fwanyikizhai ne byo bomvwa ku muchima.
Salai bulongo byambo bya kwingijisha. Ibikaiko kukosesha, kutekenesha ne kutundaika bantu. Chinuzhukai kwingijisha byambo byakonsha kwibazhingijisha. Kange mulengulule bantu babula Bakamonyi nangwa kulengulula byo baitabilamo ne.
Mweshai’mba mwibata muchima. Ambainga na jiwi jakooka, kabiji kilungi kyenu kyafwainwa kumwesha’mba mwata bantu muchima. Mwemweselainga ne kwibamwesha lusekelo.

Kechi mwafwainwa kwikanjikizha kumwesha lusa ne. Inge mubena kutanga byambo bya lusa, mweshai lusa kwesakana na byo mubena kutanga, bino kange mukizhemo uba nobe mubena kuba bisela ne. Ambai na jiwi jakooka ne kumwesha kifyele pa kuba’mba mufike bantu pa muchima.