Nanchi Mukivuluka Nyi?

Nanchi mwamwenamo mu kutanga Byamba bya Usopa byakatataka nyi? Monai inge mwakonsha kukumbula ano mepuzho:

• Mambo ka o kyanemena atweba bena Kilishitu kwikala bakishinka?

Kwikala bakishinka kumwesha kuba’mba tukokela bukalama bwa Yehoba mambo twamutemwa kabiji tumwesha patoka kuba’mba Satana wa bubela. Lesa uketuchibila mambo monka mwayila bukishinka bwetu, kyo kyo bwanemena mu luketekelo lwetu lwa kimye kya kulutwe.—12/15, mapeja 4-6.

• Mazhina ka a mushingi amo aamba pa mwingilo wa kwa Yesu mu nkebelo ya Lesa?

Mwana Yenkawa Umo. Mambo. Amena. Ñambi wa Lulayañano Lupya. Ñanga Mukatampe. Lukunwa walaiwe.—12/15, peja 15.

• Mambo ka Elaija o aambijile kalume wanji kutala ku kalunga akwe aye mwine ngauzhi na kulomba mvula? (1 Mfu. 18:43-45)

Elaija wayukile jishinda mulengelwa mvula. Wayukile kuba’mba makumbi alengekanga pa kalunga ka mema ne kwialelwila ku mutunta, apa bino mvula wanoka.—1/1, mapeja 15-16

• Twakonsha kubaishako byepi lusekelo lo twikala nalo pa kwingila mwingilo wetu?

Twafwainwa kutesha muchima ku byo twakonsha kukwasha bantu. Twafwainwa kusapwilanga na mulanguluko wa kutendeka lufunjisho lwa Baibolo. Umvwe bantu mu nyaunda yetu bakana kumvwa twafwainwa kupimpula misambo yetu ne kwamba pa bintu byakonsha kwibazakula muchima.—1/15, mapeja 8-10.

• Mafunjisho a mu Baibolo afwainwa kulengela mwina Kilishitu kumonanga byepi bisho bimweka pa Bijilo?

Bena Kilishitu bajila batemwe babo bafwa, pano bino bayuka kuba’mba wafwa kafwako kyo ayuka ne. Nangwa kya kuba bendelekwa ku babula kwitabila, abo bakanatu nsalansala kubako bisho byuba bantu baitabila’mba bafwa bakonsha kubapo kimo bantu bomi. Na mambo a kuchinuzhuka milukuchi, bena Kilishitu bamo banemba mutanchi wa byo bakeba pa kijilo kyabo.—2/15, peja 29-31.

• Nanchi “Buku wa Yashala” ne “Buku wa Makondo a Yehoba,” ke mabuku amu Baibolo ataikile nyi? (Yosh. 10:13; Bala. 21:14)

Ine. Afwainwa ajinga mabuku abujilwe kunembwa na mupashi ajingako mu moba amwekejilemo bintu byanembwa mu Baibolo ao apesele peselengamo banembi ba Baibolo.—3/15, peja 32.