Byakwamba Pakutambika Magazini

Kyamba kya Usopa Mar. 1

“Mwakilangulukapo kala byokyawamina kuzhikijila bumi bwenu nekufuukula byakuba bikatampe? [Mulekai akumbule.] Mikambizho imo yawama, nabiji Muzhilo Wawama, itanyiwa mu Baibolo. [Tangai Mateo 7:12.] Mafundeka akwabo a Lesa akonsha kwitufweta? Mukumbu musakumutana muino magazini.”

Loleni! Feb. 22

“Kampepo neanweba mwamona’mba mapunzha avula ankito abatame bingi ano moba. Ino magazini yatongolapo mashinda amo akwiawamishishamo. Kabiji yalumbulula nekuba’mba butuntulu bwetu bwaimena pakumona yoyo nkito yakumubiji kana yawamanyi nangwane. Musakutemwa kwiitanganyi?”

Kyamba kya Usopa Mar. 1

“Kwesakana nabibena kumwekana ano moba, atweba bavula tubenakulanguluka bingi kimye kyakulutwe byokikekala. Mululombelo lwanji lwaya nkuwa, Yesu Kilishitu witulumbulwila ene mambo otwafwainwa kwikela naluketekelo mukimye kyakulutwe. [Tangai Mateo 6:9, 10.] Bantu lelo jino babena kuba bilubo byaubiwangapo kala. Bino muoa moba, aba baingijilanga Lesa bajinga nalusekelo pakuzanza meso abo kulutwe. Ino magazini yalumbulula neatweba byotwakonsha kwikela naluketekelo.”

Loleni! Mar. 8

“Baibolo yaambapo pabuneme bwakufunda. [Tangai Byambo bya Mana 2:10, 11.] Atweba bavula twayuka ene mambo okyawamina banyike kwibafunjisha kubafunjishi bayuka. Loleni! Ibena kwamba pamwingilo mukatampe wabafunjishi, byotwafwainwa kwibasanchila pakwibikishako kwabo, nebansemi byobakonsha kwibakwasha namakatazho obapitamo.”