Byakwamba Pakutambika Magazini

Kyamba kya Usopa Oct. 1

“Bamo lelo jino beumvwa’mba baji mu masongola abula butemwe. Bantu beumvwa bino bakonsha kutana kwepi bukwasho? [Lekai akumbule.] Baibolo itubula mu bukishinka’mba mafunde a Lesa akonsha kwitukwasha. [Tangai Isaya 48:17, 18.] Kino Kyamba kya Usopa kyaamba pa mafunde a mu Baibolo akonsha kukosesha masongola.”

Kyamba kya Usopa Oct. 1

“Mwakonsha kumvwa byepi umvwe Lesa wimutela’mba mwi mulunda nanji? [Lekai akumbule.] Bino byobyo atelele mushakulu wetu Abalahama. Ne lelo jino, Yehoba Lesa ukeba atweba kwikala balunda nanji byonkabye. [Tangai Yakoba 2:23] Ino magazini yamwesha buwame bwa kupopwela Lesa wa byonkabye utako muchima ku milombelo yetu yo Tumulomba.”

Kyamba kya Usopa Oct. 1

“Nanchi mwakishikishapo kala’mba, ‘umvwe Lesa wa butemwe kabiji wa bulume bonse, mambo ka kyo abujila kupokolola aba babena kuyanda?’ [Lekai akumbule.] Katatakatu Lesa akafumyepo lumanamo lonse. [Tangai Isaya 65:17.] Pa kino kimye, Lesa kechi witumonatu saka tuyanda kwa kubula kwituta muchima ne, byonka byo kyamweshiwa mu ino magazini.”

Kyamba kya Usopa Oct. 1

“Bantu bavula lelo jino kechi bomvwa bulongo kwibafundako mu bintu byonse ne, balanguluka’mba banyike bo bafwainwa kufundwa. Nanchi mwalanguluka’mba mwina Kilishitu mukulumpe naye wafwainwa kufundwako nyi? [Lekai akumbule.] Umvwai kino Kinembelo byo kibena kwitulumbulwila ine nkebelo ya kwitufunda. [Tangai Efisesa 4:11, 12] Mwakonsha kutanga mu ino magazini Shetu wa mwiulu byo etufunda kabiji ne byo twakonsha kumwenamo mu ano mafunde.”