Kushajika Buku wa Sambilila Kuli Kasambilisha Mukalamba

◼ “Abya mulangulukapo’mba ntanda yakonsha kuwama umvwe bantu balondelanga bino byambo nyi? [Tangai Mateo 7:12a, apa bino muleke akumbule.] Uno buku uji na mafunjisho avula bingi afunjishenga mufunjishi mukatampe wajingako.” Ambaipo pa bipikichala ne kutanga byambo byanembwapo pa bino bipikichala biji mu kitango 17.

◼ “Bansemi bavula ano moba beseka bingi kufunjisha baana babo pachepache mizhilo yawama. Nanchi mulanguluka’mba kino kyanema nyi? [Lekai akumbule, apa bino mutange Byambo bya Mana. 22:6.] Aki monai, bansemi batundaikwa kutendeka kufunjisha baana babo kufumatu ku bwanyike bwabo. Uno buku wanengezhewa kufunjishamo baana.” Ambaipo pa bipikichala ne kutanga byambo byanembwapo pa bino bipikichala biji mu bitango 15, 18, nangwa 32.

◼ “Javula bansemi bakumya bingi pa kumvwa mepuzho epuzha baana babo. Ano mepuzho amo akonsha kushupa bingi kwiakumbula, ke ibyo ne nyi? [Lekai akumbule, apa bino mutange 2 Timoti 3:14, 15.] Bainanji Timoti ne bankambo yanji babakazhi bamufunjishe kufumatu ku bwanyike bwanji Binembelo byo byaamba. Uno buku wakonsha kukwasha bansemi kuba kintutu kimo ku baana babo ano moba.” Ambaipo pa bipikichala bimo ne kutanga byambo byanembwapo pa bino bipikichala biji mu bitango 11 ne 12 nangwa biji mu kitango 34 kufika ku 36.