Bya Kwamba pa Kushajika Magazini

Kyamba kya Usopa Feb. 1

“Bungauzhi bwavula bwa mu Baibolo ne kulumbululwa kwa bisemi byo byaikelenga, byonse byaambilenga pa muntu umo, mo byafikizhiwe bino byonse. Nanchi mwamuyuka uno muntu nyi? [Lekai akumbule.] Ino magazini itukwasha kuyuka kuba’mba Yesu ye Mesiasa kabiji bungauzhi popo bwaimena.” Tangai Yoano 5:39, 46.

Kyamba kya Usopa Feb. 1

“Ndamakyalo wawama wafwainwa kwikala muntu waketekelwa wakonsha kulama bantu banji mu mutende ne kwibazhikijila kimye kyonse kya bukalama bwanji. Kwepi kotwakonsha kutana ndamakyalo wa uno mutundu? [Lekai akumbule, apa bino mutange Lumwekesho 19:15a, 16.] Kino Kyamba kya Usopa kyaambapo pa Bufumu bwa Lesa mu kukwatankena pamo na Yesu byoajinga panopantanda ne kimye kyo asangwilwe kwikala kilengwa kya mupashi.”

Kyamba kya Usopa Feb. 1

“Konse ko twakonsha kupichila tutana bantu bambatu pa bintu nabiji mali, kuya nkuwa, ne kwikala na bulume. Nanchi mwalanguluka’mba kuji kintu kimo kyanema kukila pa bino bintu nyi? [Lekai akumbule.] Ino magazini yalumbulula bamo byo basajilepo kusha bintu byabo bya ku mubiji ne kukeba bintu byo bamwene kuba’mba byo byanemesha.” Tangai Mateo 4:18, 21, 22.

Kyamba kya Usopa Feb. 1

“Bimye bimo kechi twakonsha kumvwisha ene mambo Lesa o alekela bintu bimo kumwekanyika mu jojo jishinda ne. Umvwe twatanwa mu bimye bya uno mutundu, mambo ka o twafwainwa kuchinuzhukila kufikenatu ponkapo kumulengulula? [Lekai akumbule.] Ino magazini yalumbulula bintu byo ayuka Lesa byo byafwainwa kwitulengela kwikala ba kwipelula kimye kyo tubena kulanguluka pa mingilo Yanji.” Tangai Loma 9:14.