Bya Kwamba pa Kushajika Magazini

Kyamba kya Usopa Jan. 1

“Bantu bavula balanguluka’mba mashimikila a mu Baibolo, nabiji oa a kuswana kwa bamfumu kechi afwainwa kwingila kwi abo ne. Abya ne anweba mwakilangulukapo kala pa kino nyi? [Lekai akumbula.] Ino magazini yaamba pa bwikalo bwa bamfumu 20 baswaine Solomone, kabiji ne byo twakonsha kufunjilako kupichila mu kumona bwikalo bwabo byo bwaalukile.” Tangai Bahebelu 4:12.

Kyamba kya Usopa Jan. 1

“Abya mulangulukapo kyakonsha kumwekana umvwe bantu bonse mu ntanda basajilepo kupopwela Lesa mu jishinda jaitabilwa nyi? [Lekai akumbule. Apa bino mutange Lumwekesho 18:4.] Ino magazini itubwezha ku kimye kya kunyuma bantu kyo baalukile, ne kuswa bupopweshi bwa kine kabiji ne byo baubijilwe bibusa pa kuba kino.”

Kyamba kya Usopa Jan. 1

“Bantu baji na bulume bwa kuba bintu byawama, pano bino monka baubilatu bintu byatama. Abya mwakizhinaukapo kala ene mambo o bobila bino bintu nyi? [Lekai akumbule.] Ino magazini ipana mukumbu wa mu Baibolo. Kabiji yalumbulula ne bintu byatama byo bikafumishiwapo ne kupingizhiwapo na byawama.” Tangai Loma 16:20.

Kyamba kya Usopa Jan. 1

“Abya mulangulukapo bikekala ntanda pa kupitapo myaka 20 nangwa 30 nyi? [Lekai akumbule. Apa bino mutange Masalamo 119:105] Baibolo ulumbulula bintu bya kulutwe pa kuba’mba tuyukile jimo bintu biji kulutwe. Ino magazini yambapo pa bungauzhi bumwesha kimye kyo tujimo kabiji ne ene mambo o twafwainwa kuketekela kuba’mba bintu kulutwe bikawama.”