Bya Kwamba pa Kusha Magazini

Kyamba kya Usopa Oct.–Dec.

“Ano moba bantu bavula kechi bamona buneme bwa kwambila’mba “nasanta” ne, kabiji kechi batako muchima ku bintu byawama byuba bakwabo ne. Nanchi kyawama kusanchila bantu pa bintu byo betubila nyi? [Mulekai akumbule.] Kino kibaba kyamwesha Yesu Kilishitu byo amwesheshe kusanta pa mingilo yawama yo bamwingijile bakwabo. [Tangai Mako 14:3, 6] Kabiji kino kibaba kyalumbulula ne buwame buji mu kumwesha lusanchilo.”

Awake Nov.

“Bantu bavula betaba’mba bilengwa bya mu tulunga twa mema bibena kuyilakotu na kupwa. Nanchi mulanguluka’mba makafulumende akakonsha kupwisha luno lukatazho nyi? [Mulekai akumbule. Apa bino mutange Mateo 6:10.] Kino kibaba kyamwesha ene mambo o kwaikela luno lukatazho kabiji ne Lesa byo akelupwisha.” Mumweshai kibaba kyatendekela pa peja 20.

Kyamba kya Usopa Oct.–Dec.

“Lukatazho lumo bisemi lo lupitamo ke kwisamba pakachi ka bansemi ne baana babacheche. Nanchi mwalanguluka’mba kuji bintu bimo bisemi byo byafwainwa kuba pa kuba’mba bifumyepo mikika ilengela kubula kwisamba bulongo nyi? [Mulekai akumbule. Apa bino mutange Byambo bya Mana 25:11.] Kino kibaba kyaamba bintu byakonsha kwitukwasha kuyuka bya kwamba, bya kwibyamba ne kimye kya kwibyambilamo.”

Awake Dec.

“Bantu bavula balangulukapo bingi pa buno bwipuzho pa myaka yavula. [Mumweshai bwipuzho buji pa nkupiko.] Mwalanguluka’mba twakonsha kutana kwepi mukumbu wawama wa buno bwipuzho? [Lekai akumbule.] Monai ene mambo o twaketekela’mba Lesa ye wakonsha kukumbula buno bwipuzho. [Tangai Salamo 100:3.] Ino magazini yamwesha byaamba Baibolo pa uno mutwe.”