BYA BUNEME BIJI MU MAMBO A LESA | MAKO 3-4
Kubuka Muntu pa Juba ja Sabado
Mambo ka Yesu o kyamufichile ku muchima pa kumona byubilo bya bantangi ba bupopweshi bwa Bayudea? Mambo bantangi banungileko mizhilo yavula ya kukanya bantu kuba bintu bimo pa juba ja Sabado. Bakanyanga ne bantu kwipaya lubalebale pa jino juba. Baswishangatu kubuka muntu inge bumi bwanji buji mu kizumba. Akino kyalumbulwilenga’mba inge muntu wachimuka nangwa wizhongomona kechi bamukwashanga pa juba ja Sabado ne. Kwambatu kine, bantangi ba bupopweshi kechi batemenwe muntu wajinga na kuboko kwapapa ne.