Bya Kwinengezha Kutanwa ku Kivuluko

Kutendeka uno mwaka, tusakwikalanga na kimye kyabaya kya kunengezha kutanwa ku Kivuluko kya lufu lwa kwa Kilishitu. Inge kya kuba Kivuluko kikekela mukachi ka mulungu, kechi tukekalanga na Kupwila kwa Bwikalo ne Mwingilo mu yewo mulungu ne. Inge kya kuba Kivuluko kyaikela pa Kibelushi nangwa pa Mulungu, jashi ja mvula bantu ne Kyamba kya Usopa kechi bikekalangako ne. Nanchi mukengijishanga bulongo kino kimye nyi? Byonkatu byo kyajinga mu myaka kitota kitanshi, twafwainwa kwinengezha bulongo pa kuba’mba tukatanwe ku kuno kupwila kwanema. (Luk 22:7-13; km 3/15 ji. 1) Bino atweba bonse twafwainwa kunengezha michima yetu. Twakonsha kuba byepi bino?

• Langulukainga pa buneme bwa kutanwa ku kuno kupwila.—1Ko 11:23-26

• Lombainga ne kulanguluka pa bulunda bwenu ne Yehoba.—1Ko 11:27-29; 2Ko 13:5

• Tangainga ne kulanguluka languluka pa Binembelo byaamba pa buneme bwa Kivuluko.—Yoa 3:16; 15:13

Basapwishi bamo batanga ne kulanguluka languluka pa Binembelo bikala mu mutanchi wa kutanga Baibolo kwa mu moba a Kivuluko mu kabuku ka Kubalaula Binembelo Moba Onse. Bakwabo batanga binembelo biji mu kakitenguluzha kaji panshipo. Kabiji bakwabo batanga bibaaba bya mu Kyamba kya Usopa byaamba pa Kivuluko ne pa butemwe bwitumwesha Yehoba ne Yesu. Jishinda jonse jo mwakonsha kulondela pa kutanga jikemulengela kufwenya kwipi ne Yehoba ne Mwananji aye Yesu.