Ñanyi Kintu kyo Nanemekesha mu Bwikalo Bwami?

Mapesho a Yehoba kyo kintu kyanema bingi kyalengejile Yakoba kuchinchika pa kwisunsa na malaika. (Nt 32:24-31; Hos 12:3, 4) Nga atweba kiji byepi? Nanchi twibikako na muchima yense kukookela Yehoba kuba’mba etupeshe nyi? Mwakonsha kuba byepi inge ku nkito bemwambila kwingila panyuma ya kukotoka pa juba ja kupwila? Inge kemupe Yehoba na muchima yense kimye kyenu, bulume ne bya bunonshi byenu, ukemwitulwila “mapesho avula kya kuba kechi mukakajilwa kintu nangwa kimo ne.” (Mal 3:10) Yehoba ukatwajijila kwitutangijila, kwituzhikijila ne kwitumwena bya mu bwikalo.—Mat 6:33; Heb 13:5.

TAMBAI VIDYO WA KUBA’MBA TAI MUCHIMA PA BIKONKWANYI BYA KWINGIJILA LESA, APA BINO MUKUMBULE ANO MEPUZHO:

• 

  Uno nyenga waesekelwe byepi na kintu kyo atemenwe?

• 

  Nkito yo twingila yakonsha kwikala byepi lweseko?

• 

  Mambo ka Timoti o afwainwe kutwajijila kwibikila bikonkwanyi bya kwingijila Lesa nangwatu byo ajinga mwina Kilishitu washikimana?—1Ti 4:16

• 

  Tumwesha byepi kintu kyo twanemekesha mu bwikalo bwetu?