Makatazho Onse Apwa

Makatazho akonsha kwitulefula bingi kikatakata inge abula kupwa bukiji. Davida wayukile kuba’mba makatazho o apichilengamo na mambo a Mfumu Saulo akapwa kabiji ukekala Mfumu byonka byamulayile Yehoba. (1Sa 16:13) Lwitabilo lwakwashishe Davida kupembelela Yehoba saka atekanya.

Inge tubena kupita mu makatazho, maana ne bintu byo twayuka nangwa amba milangwe iketukwasha kuyuka mwakubila na lolo lukatazho. (1Sa 21:12-14; Man 1:4) Nangwa byonkabyo, makatazho amo atwajijila pa kimye kyabaya nangwa kya kuba twauba byonse byo twakonsha kuba monka mwayila mafunde a mu Baibolo. Inge kyaikala bino, twafwainwa kupembelanga Yehoba saka twatekanya. Katatakatu akafumyepo bya malwa byonse ne “kushimuna mipolo yonse” ku meso a bantu. (Lum 21:4) Inge Yehoba witukwasha kupwisha makatazho nangwa inge apwatu na mambo a bintu bikwabo, twafwainwa kuvulukanga kino kishinka: Makatazho onse apwa. Kuyuka bino kuketutekenesha bingi.

TAMBAI VIDYO WA KUBA’MBA BANTU BAKWATANKANA MU NTANDA MUJI MABANO, APA BINO MUKUMBULE ANO MEPUZHO:

• Ñanyi makatazho amo apichilengamo bena Kilishitu bekala ku bulenge bwa United States?

• Bamwesheshe byepi kutekanya ne butemwe?

• Batwajijile byepi kuta muchima pa “bintu byanemesha”?—Fp 1:10