Twajijilai Kwingijila Yehoba na Lusekelo Nangwa Mwalefuulwa

Davida wakebeshe kushimikila Yehoba nzubo ya kumupopwelamo yawama bingi (1Mo 17:1, 2; w06 7/15 19 jifu. 1)

Yehoba wabuujile Davida amba kechi ye ukashimika ino nzubo ne (1Mo 17:4)

Davida watwajijile kwingila na muchima yense mwingilo wamupele Yehoba (1Mo 17:7; 18:14)

Bipikichala: 1. Mulongo walefuulwa waikala mu kakinga ka bilema saka abena kupema kwingijisha mashinyi ikwasha kupema. 2. Uno mulongo muntu umo ubena kwamba na lusekelo na mwanamulume waiya pa kakipabi ka kutanchikapo mabuku.

Umvwe kukoma, kukolwakolwa nangwa bintutu bikwabo bimulengela kubula kufikilamo kwingila mingilo imo ya Lesa, mwafwainwa kutwajijila kuta muchima pa mingilo ikwabo yo mwakonsha kwingilako.— By 18:5; w21.08 22-23 jifu. 11.