BYAFWAINWA KWIKALA BENA KILISHITU
“Lama Muchima Wobe”
Yehoba watangijile Solomone kunemba’mba: “Pa bintu byonse byo ulama, lama muchima wobe.” (Man 4:23) Kyataminekotu ke kya kuba’mba bena Isalela balekele kwenda na Yehoba “na muchima wabo yense.” (2Mo 6:14) Nangwatu mfumu Solomone naye waswishishe bakazhi banji kongwela muchima wanji ku ba lesa bangi. (1Mf 11:4) Pano mwakonsha kulama byepi muchima wenu? Uno ye mutwe wajinga mu Kyamba kya Usopa kya January 2019 mapa 14-19.
TAMBAI VIDYO WA KUBA’MBA BYO TWAFUNJILE MU KYAMBA KYA USOPA—LAMAWIZHAINGA MUCHIMA WENU, APA BINO MUKUMBULE ANO MEPUZHO:
Ñanyi bizumba byapichilemo bano bena Kilishitu kabiji mutwe wa kufundamo uji mu kino Kyamba kya Usopa wibakwashishe byepi kulama muchima wabo?
Ba Brent ne Ba Lauren
Ba Umjay
Ba Happy Layou
Uno mutwe wimukwashishe byepi?