Bya Kuba Pa Kufunda

Nanchi mwatemwa kutanga mashimikila a bwikalo bwa balongo ne banyenga nyi?

Ba mulume ne mukazhi batanga jishimikila jimo pa juba pa juba lukelo baambile’mba: “Ano mashimikila etutundaika kabiji etuletela bingi lusekelo. Etuvululamo kuba’mba ne atweba twakonsha kuchinchika makatazho onse o twakonsha kupitamo.” Nyenga mukwabo naye waambile’mba: “Ano mashimikila a bwikalo antekenesha, kuntundaika ne kundetela lusekelo. Bintu byuba balongo ne banyenga bibaletela lusekelo ne kuyuka kyo baikelako. Mashimikila abo andengela kwingilako pakatampe mwingilo wa kusapwila ne kunkwasha kutundaika baana bami kwingijila Yehoba mu mwingilo wa kimye kyonse.”

Mashimikila a bwikalo akonsha kwimutundaika kwingilako pakatampe mwingilo wa Yehoba, kubula kuba bintu byatama, ne kuchinchika meseko akatampe na lusekelo ne mushingi. Ano mashimikila mwakonsha kwiatana kwepi?

• Yai pa jw.org nangwa mu JW Library® muchinte po banemba’mba “Mashimikila a Bwikalo bwa Bakamonyi ba kwa Yehoba.”

• Kebai bibaaba bya kuba’mba “Mashimikila a Bwikalo bwa Bakamonyi ba kwa Yehoba” mu BUTALA BWA MABUKU BWA PA INTANETI^™ nangwa mu Watchtower Library.