Ingijishainga Tubisopelo Tumwesha Binembelo Bikwabo mu Baibolo

Tubisopelo tubena kumwesha binembelo bikwabo mu Baibolo wa Binembelo bya Ntanda Ipya tumwesha binembelo bikwabo byaamba pa kyo kyo kintu. Pa kuba’mba mutaane binembelo bikwabo, monai kakisopelo kaji kulutwe ya kyambo. Mu Baibolo ye bapulinta, monai paji kano ka kisopelo mu kankwenkwe kaji pakachi ya jipa ja mu Baibolo, pa kuba’mba mutaane binembelo bikwabo byaamba pa kyo kyo kintu. Pa jw.org nangwa mu JW Library^®, chintai pa kakisopelo kakema kaji kulutwe ya kyambo, pa kuba’mba mumone binembelo bikwabo byaamba pa kyo kyo kintu.

Tubisopelo twamwesha binembelo bikwabo twakonsha kwimutwala ku bino bintu byalondelapo:

Jishimikila Jaamba pa Kintu Kimo: Tuno tubisopelo twakonsha kwimutwala paji jishimikila jintutu jimo mu buku mukwabo wa mu Baibolo. Monai 2 Samwela 24:1 ne 1 Byambo bya Moba 21:1.

Byambo: Tuno tubisopelo twakonsha kwimutwala pakwabo paji byo byo byambo nangwa ko byafuma. Monai Mateo 4:4 ne Mpitulukilo ya mu mizhilo 8:3.

Kufika kwa bungauzhi: Tuno tubisopelo tutwala ku binembelo byaamba pa bobo bungauzhi byo bwafikile. Monai Mateo 21:5 ne Zekaliya 9:9.