Bintu Byakonsha Kwimukwasha Kutanganga Baibolo pa Juba pa Juba

Nanchi bya kuba bimuvujila kya kuba mukankalwa kutanga Mambo a Lesa pa juba pa juba nyi? (Yosh. 1:8) Inge ibyo, abino bintu byalondelapo bisakwimukwasha bingi:

• Bikai kakwimuvululako. Bikai alamu wa kwimuvulamo pa foni wenu inge kimye kyenu kyo mutangilapo Baibolo kyafika.

• Bikai Baibolo wenu pabena kumweka. Inge pa kutanga mwingijisha Baibolo ye bapulinta, mubikai po mwafwainwa kumumonanga kimye kyonse.​—Mpitu. 11:18.

• Telekainga ku Baibolo ye batangila jimo. Telekainga ku Baibolo ye batangila jimo kimye kyo mubena kwingila mingilo yapusana pusana. Nyenga Tara, painiya uji na baana wingila bufuku waambile’mba: “Kuteleka ku Baibolo ye batangijila jimo inge mbena kwingila mingilo ya pa nzubo kunkwasha kutanga Baibolo pa juba pa juba.”

• Kange muleke ne. Inge kwamweka bintu byakonsha kuvulañanya mutanchi wenu wa kutanga Baibolo, tangai nangwatu byepelo bichceche bya mu Baibolo saka mukyangye kulaala. Mukamwenamo bingi inge kemutangetu nangwa byepelo bicheche.​—1 Pe. 2:2.