Nakebelenga Kuleka Kwingijila Lesa

NAKOMEJILE mu kisemi kya Bakatolika babambakana bingi kabiji bakebelenga’mba nkekale pulishiti. Byo nafikizhe myaka 12, natainwe ku masukulu asatu ko bamfunjishe ku bapulishiti bapusana pusana. Mu 1990, byo nafikizhe myaka 14, bangichile kuya na kutanwa ku sukulu wawama bingi ko bafunjisha bya bupulishiti mu kino kyalo.

Naubilenga bingi bulongo, kabiji bambujile’mba inge ntwajijile na kulondela byo mbena kufunda, nkekala mukulumpe wa kipwilo. Nangwa byonkabyo, nalefwilwe bingi. Betufunjishanga buntemwa maana bwa bantu, kechi bya mu Baibolo ne. Kabiji bapulishiti baubilenga bintu byatama bingi. Nakebelenga kuleka kwingijila Lesa byo batendekele kunkanjikizha kuba bulalelale.

Pa kyo kya kimye, balume ne bakazhi bamishonale basolomokele muntu watalanga pa mali a mu chechi ne kumupa buku wa Ifipusho Abacaice Bepusha ne Fyasuko Ifingabafwa. Natambwileko uno buku kabiji na mutangile yense kufuma ko atendekela kufika ne ko apela. Ne ambijile namba, ‘Kino kyokyo mbena kukeba.’ Nalekele uno sukulu, ne kutendeka kufunda na Bakamonyi, kabiji natendekele ne kutanwa ku kupwila. Byo papichiletu bañondo batanu na basatu, mu July mu mwaka wa 1991 na batizhiwe. Natendekele mwingilo wa bupainiya kabiji nasongwele nyenga painiya wa jizhina ja María. Twingila mwingilo wa bupainiya bwiikajila ye twatendekele mu 2006. Mu kifulo kya kuleka kwingijila Lesa, natemwa bingi kukwasha bantu baji na nzala ya kukeba kufunda bukine kuba’mba bekale bapopweshi banji.