Mambo ka o Muyila na Kusapwila Bantu Baji mu Bupopweshi?

Twatana kuba’mba bantu bavula baji mu bupopweshi batemwa bingi kwisamba pa bya mu Baibolo. Nangwa byonkabyo, twanemeka bingi byaitabilamo bakwetu, kabiji kechi tukanjikizha bantu kutambwila byo tusapwila ne.

Pa kwisamba pa bya bupopweshi, tulondela jifunde ja mu Baibolo jitubula kuba bino na “kukoka muchima” ne na “mushingi mukatampe.” (1 Petelo 3:15) Twayuka kuba’mba kechi bonse baswa byo tusapwila ne. (Mateo 10:14) Bino kechi tuyuka usakukana ne usakuswa ne, kanatu panyuma ya kwisamba nanji. Kabiji twayuka ne kuba’mba bwikalo bwa bantu bwaluka aluka.

Nabiji inge muntu wapayankana pa jojo juba, juba jikwabo wakonsha kuswa kwisamba nanji. Kabiji bantu bapita mu makatazho ne mu bintu byakatazha byakonsha kwibalengela kutendeka kutako muchima ku mambo a mu Baibolo. Na mambo a bino, kyo kyo tubwelela ku bantu pa bimye byavula na kukeba kwisamba nabo.