Nanchi Mukalakanya Bupopweshi bwa Bakwenu Nyi?

Tulondela bitubula Baibolo kuba’mba, “nemekainga bantu bonse” kubikapotu ne ba mu bupopweshi bungi. (1 Petelo 2:17) Mu byalo bimo muji Bakamonyi ba kwa Yehoba bavula bingi. Nangwa byonkabyo, kechi tutundaika bamulwila ntanda nangwa ba lūsa kunyanchijila nangwa kuzhiisha bupopweshi bukwabo ne. Kabiji kechi tukosako’mba kwikale mizhilo itundaika byubilo byawama yaswañana na byo twaitabilamo kuba’mba ikale ya bantu bonse ne. Bino ne atweba tukeba bakwetu kwituleka twakasuluka byonka byo tubula kwibakalakanya.—Mateo 7:12.