Tubyambo twa Munshi

a Yehoba waambilenga pa bintu byatama byo baubanga bantu banji kala kwipi na nzubo yanji yazhila. Waambile’mba: “Byo babikile kibelo kyabo kwipi na kibelo kyami ne mashiki abo kwipi na mashiki ami, byo pajingatu lubumbulu pakachi kabo ne amiwa, batamishe jizhina jami jazhila na bintu bya bunya byo baubilenga.” (Ezi. 43:8) Mu Yelusalema wa kala, lubumbulu ye waabenye nzubo ya Yehoba na kwajinga mazubo a bantu. Bena Isalela byo balekele kulondela mizhilo ya Lesa yaoloka, batendekele kuba bubipisho ne kupopwela bankishi kwipi na nzubo ya Yehoba. Kino kyalengejile Yehoba kwibakambula.