Tubyambo twa Munshi

a Bakamonyi bakwa Yehoba batumbijika Bufumu bwa Lesa kyokyobabujila nekwivwanga mubya bumulwila ntanda nangwa kusatukila makafulumende abantu. Nangwatu mubyalo mobebakanya kusapwila nangwa mobabena kwibamanyika, Bakamonyi kechi basatukane. (Titusa 3:1) Mukifulo kyabyobyo, bengijila pamo kumupashi kwakubula kwitumpa mubya bumulwila ntanda byonka byaubile Yesu nebaana banji babwanga mukitota-myaka kitanshi. Bakamonyi bakwasha bantu bakeba bololoke mumanyaunda abo apusana-pusana kwikala namizhilo yawama yamu Baibolo, nabiji kutemwañana mukisemi, bukishinka, byubilo byawama ne mafunde awama. Kikatakata, bebafunjisha byobakonsha kulondela mafunde amu Baibolo nekuketekela Bufumu bwa Lesa amba bobonkatu bukawamisha bwikalo bwa bantu.