Amosi
2 “Yehoba waamba’mba,
‘“Na mambo a mizhilulwila* isatu ya Moabu,+ ne ina, kechi nkamulekatu ne,
Mambo wasokele bikupa bya mfumu wa Edomu ke nswakala.
2 Onkao mambo, nkatuma mujilo mu Moabu,
kabiji ukasoka byamba byakosa bya Keliota;+
Moabu ukafwa saka kuji kiwowo,
Na kiwowo kya nkondo ne kuvuma kwa lusengo.+
4 Yehoba waamba’mba,
‘Na mambo a mizhilulwila isatu ya Yuda,+ ne ina, kechi nkamulekatu ne,
Mambo bakaine mizhilo* yami amiwa Yehoba,+
Kabiji kechi balamine malamuna ami ne;
Bino bubela buntutu bumo bwalondejilenga bashakulu babo bwibatwala mungi.+
6 Yehoba waamba’mba,
‘Na mambo a mizhilulwila isatu ya Isalela,+ ne ina, kechi nkamulekatu ne,
Mambo bapotesha muntu waoloka na siliva,
Ne muyanji na makwabilo abiji.+
Mwana ne shanji balaala na nsongwakazhi umo,
Ne kuzhilulula jizhina jami jazhila.
8 Balaala kwipi na bya kusokelapo bitapisho+ byonse pa bivwalo byo bakwachilamo na mambo a nkongole;+
Kabiji binyu byo batoma mu mazubo a balesa babo ke byobya byo bangata ku boba bo balipilisha.’
9 ‘Bino yami naonawine bena Amoli saka batalako,+
Bonka balepele nobe bichi bya sida kabiji bakosele nobe bichi bya oko;
Naonawine bipangwa byanji ne mizhazhi yanji.+
10 Nemufumishe mu kyalo kya Ijipita,+
Ne kwimulengela kwenda mu kiselebwa myaka 40,+
Namba mutambule kyalo kya bena Amoli.
Anweba bena Isalela, nanchi kechi byo ibyo nenyi?’ byo byaamba Yehoba.
12 ‘Bino mwapelenga Banazili binyu amba batomenga,+
Kabiji mwakambizhe bangauzhi amba: “Kechi mwafwainwa kwaula ne.”+
13 Onkao mambo, nkemusansakenya mu mpunzha yenu,
Byonka kikochikala kyo balongamo kajo ko banowa byo kisansakanya bintu biji munshi yakyo.
14 Awa unyema bingi kechi ukekala na kwa kunyemena ne,+
Awa wakosa kechi ukekala na bulume ne,
Kabiji kafwako mushilikale ukapulusha bumi* bwanji.
15 Awa wingijisha buta bwa mukanda kechi ukachinchika ne,
Awa unyema lubilo kechi ukapuluka ne,
Kabiji awa wenda pa mbili kechi ukapulusha bumi* bwanji ne.