Amosi
6 “Malwa abo aba beketekela* bene bekala mu Ziona,
Aba baikala mu mutende mu mutumba wa Samaliya,+
Banabalume baya nkuwa ba mu kisaka kyatumbalala pa bisaka byonse,
Bonka bo bakinkamo manungo ku ba mu nzubo ya Isalela!
2 Abukilai ku Kaline mumone.
Kabiji mufume kokwa muye ku Hamata Mukatampe,+
Ne kuya ku Gata wa bena Filishitiya.
Nanchi ino mizhi yanema kukila buno bufumu,*
Nangwa nyaunda yabo yabaya kukila yenu nyi?
4 Balaala pa myanya yo balenga na meno a banzovu+ ne kusendalala pa bipona,+
Saka baja mikooko ilume ya mu jitanga ne baana ba bañombe banuna;+
5 Basomba nyimbo ya kwimba pa kyansa,*+
Kabiji balenga byombesha byonka byaubanga Davida;+
6 Batomena binyu mu masanyi afukumana+
Kabiji beshinga manyi awamisha.
Bino kechi batako muchima* ku bya malwa bya kwa Yosefwa ne.+
7 Onkao mambo, pa boba bakaya mu buzha, abo bo bakekala batanshi kuya,+
Ne kiwowo kya boba basendalala kikapwa.
8 ‘Nkambo Mfumu Yehoba wachipila mu jizhina janji mwine,’*+ byo byaamba Yehoba Lesa wa mabumba,
‘“Nashikwa bwitote bwa kwa Yakoba,+
Nashikwa byamba byanji byakosa,+
Kabiji muzhi nkamupana ku balwanyi banji pamo na byonse bijimo.+
9 “‘“Kabiji inge bantu jikumi bakashale mu nzubo imo, nabo bakafwa. 10 Mulongo* wabo ukeya na kwibalupulamo ne kwibasoka bonsetu. Ukalupula bikupa byabo mu nzubo; kepo akambila yense ukekala mu kibamba kya mukachi mu nzubo amba, ‘Nanchi mujipo bakwabo bo uji nabo nyi?’ Ne aye ukakumbula’mba, ‘Kafwamo!’ Kepo akamwambila’mba, ‘Zhindama! Mambo kino kechi kyo kimye kya kutela jizhina ja Yehoba ne.’”
11 Mambo Yehoba ye wakambizha,+
Kabiji ukakundula nzubo ikatampe ne kwiishatu milumba,
Ne nzubo icheche kwiishatu ke bibumbulubwe.+
12 Nanchi bambili banyema pa jibwe jikatampe nyi?
Nangwa muntu wakonsha kujimapo na bañombe nyi?