Obadiya
1 Kimwesho kyamwene Obadiya:*
Nkambo Mfumu Yehoba waamba pa Edomu amba:+
“Twaumvwa sawakya wafuma kwi Yehoba,
Ntomesha bamutuma ku bisaka bya bantu na kwibabuula’mba:
‘Imanai, twinengezhe kulwa nanji.’”+
2 “Umvwa! Nakwalula ke mucheche mu bisaka bya bantu;
Kabiji bakulengulula bingi.+
3 Bwitote bwa muchima obe bwakujimbaika,+
Obewa wikala mu mabwe mwafyamika,
Ne kwikala peulu pene saka wamba mu muchima wobe amba,
‘Ñanyi ukangikizha panshi?’
4 Nangwatu wikale peulu* pene nobe mpungu,
Nangwa umvwe walenga kinsa kyobe mu tubangabanga,
Nkakwikizha panshi,” byo byaamba Yehoba.
Nanchi kechi bakeebatu bintu byo bakeba nenyi?
Nangwa inge bapa mañanzañanza baiya kwi obewa,
Nanchi kechi bakonsha kushamo a kupupula nenyi?+
6 Isao byo bamupikitapo!
Bunonshi bwanji bwafyamika byo bebukebeshapo!
7 Bakupangila ku mupaka.
Bantu bonse bo wakwatankene* nabo bakujimbaika.
Bantu bo umvwañana nabo bakushinda.
Aba bo uja nabo bakakuta bukonde,
Bino kechi ukayuka ne.
8 Yehoba waamba’mba, “Pa joja juba,
Nanchi kechi nkonauna ba maana ba mu Edomu+
Ne ba milangwe ba mu mpunzha ya mitumba ya kwa Isao nenyi?
9 Kabiji bashilikale bobe bakomvwa moyo+ obewa Temanyi,+
Mambo yense wikala mu kibunji kya mitumba kya kwa Isao bakamutapa.+
10 Na mambo a bumbanzhi bo waubile mulongo obe Yakoba,+
Bumvu bukakuvweta,+
Kabiji ukavila myaka ne myaka.+
11 Pa juba jo waimenetu ku mbaji,
Pa juba bantu bangi jo basendele nzhita yanji mu buzha,+
Bantu ba mu kyalo kingi byo batwelele mu kibelo kyanji ne kuta bubale+ pa Yelusalema,
Waubiletu bintu nobe abo.
12 Kechi wafwainwa kusekela pa juba ja bya malwa bya mulongo wobe ne,+
Kechi wafwainwa kusangalala pa juba ja kuvila+ kwa bena Yuda ne,
Kabiji kechi wafwainwa kwamba na bwitote pa juba jabo ja bya malwa ne.
13 Kechi wafwainwa kutwela mu kibelo kya bantu bami mu juba jabo ja bya malwa ne,+
Kechi wafwainwa kusekela pa lumanamo lwanji mu juba janji ja bya malwa ne,
Kabiji kechi wafwainwa kupukula bunonshi bwanji pa juba janji ja bya malwa ne.+
14 Kechi wafwainwa kwimana pa mansanga amba wipaye bantu banji babena kunyema ne,+
Kabiji bantu banji bapuluka mu juba ja bya malwa kechi wafwainwa kwibapana ku balwanyi babo ne.+
15 Mambo juba ja Yehoba ja kulwa na bisaka bya bantu byonse jijitu pepi.+
Byonkatu byo wauba, ne obewa byobyo bakakuba.+
Bintu byonka byo waubile bakwenu bikakubwelela pa mutwe wobe.
16 Byonkatu byo watomenenga pa mutumba wami wazhila,
Ne bisaka bya bantu byonse byo bikatomanga.+
Bikatomanga ne kuminatu byonse,
Kabiji bikekala nobe kechi byajingako kala ne.
17 Pakuba aba bakapuluka+ bakekala pa Mutumba wa Ziona,
Kabiji ukekala wazhila;+
Ne ba mu nzubo ya kwa Yakoba bakatambula bintu byabo.+
18 Ba mu nzubo ya kwa Yakoba bakekala ke mujilo,
Ba mu nzubo ya kwa Yosefwa bakekala nobe lubebe lwa mujilo,
Kabiji ba mu nzubo ya kwa Isao bakekala nobe nenge;
Bakebasokatu pelu,
Kabiji kafwako ukapuluka mu ba mu nzubo ya kwa Isao ne,+
Mambo Yehoba ye waamba.
19 Bakatambula Negeba ne kibunji kya mitumba kya kwa Isao,+
Ne Shefela ne kyalo kya bena Filishitiya.+
Bakatambula bujimi bwa Efelaimu ne bujimi bwa Samaliya,+
Ne Benjamina ukatambula Gileada.
20 Bazha baji mu uno mushiime,*+
Ne bena Isalela bo bakatambula kyalo kya bena Kenana kukafika ne ku Zalefwata.+
Kabiji bazha ba mu Yelusalema bajinga mu Sefwalada, bakatambula mizhi ya mu Negeba.+