-
Nanchi Munemeka Bumi Byonka Lesa byo Ebunemeka Nyi?‘Ikalai mu Butemwe bwa Lesa’
-
-
16. Ñanyi jifunde jaamba pa kufumya jivumo? (Monai tubyambo twa munshi.)
16 Ne bumi bwa mwana ukijitu munda mwa inanji bwanema bingi kwi Lesa. Ku bena Isalela ba kala, umvwe muntu wakozha mwanamukazhi wanema pa muchima ne aye wamukazhi nangwa mwananji ukiji munda wafwa na mambo a kumukozha, Lesa wamonanga awa muntu wakozhañana kwikala mbanzhi, kabiji wafwainwe kupana “bumi pa bumi.”c (Tangai Kulupuka 21:22, 23.) Akifwanyikizhaitu Yehoba byo omvwa pa kumona baana bavula bo babena kwipaya kya nshiji ku bainabo pa kufumya mavumo pa mwaka pa mwaka na mambo a kubatu’mba bakasuluke ne kutwajijila kuba bulalelale.
-
-
Nanchi Munemeka Bumi Byonka Lesa byo Ebunemeka Nyi?‘Ikalai mu Butemwe bwa Lesa’
-
-
c Bashayuka balumbulula mwatala byambo biji mu Baibolo, baamba’mba nembelo ya kinembelo kya Kihebelu “kechi yaambatu pa kukozha mwanamukazhi yenkatu ne.” Kabiji monai ne kuba’mba Baibolo kechi watongolapo myaka ine ya mwana ukiji munda yakonsha kulengela muntu kumuzhachisha kwi Yehoba ne.
-