BWIPUZHO 6
Ñanyi bintu Baibolo byo aambijile jimo pe Mesiasa?
BUNGAUZHI
“Obewa Betelema Efulata, . . . mwi obewa mo mukafuma ukekala kalama mu Isalela.”
BYO BWAFIKILE
“Yesu byo asemekelwe mu Betelema wa mu Yudea mu moba a mfumu Heloda, bashayuka ba tubangabanga baishile ku Yelusalema kufuma ku Musela.”
BUNGAUZHI
“Baabana bivwalo byami, kabiji bata bubale pa kivwalo kyami.”
BYO BWAFIKILE
“Bashilikale byo bapwishishe kumupopa Yesu pa kichi, bashikwile bivwalo byanji bya peulu ne kwibyabanyapo pana . . . Bino kino kivwalo kya mukachi kechi kyajinga na mifumo ne, mambo bekipikwile kufumatu kwiulu kufika ne kunshi. Onkao mambo, beambijile bene na bene amba: ‘Kange twikitabule ne, bino twayai tute bubale pa kuba’mba tuyuke usakwikisenda.’”
BUNGAUZHI
“Uzhikijila bikupa byanji byonse; kafwako nangwa kimo kyachimukapo ne.”
BYO BWAFIKILE
“Byo bafikile pe Yesu, bataaine’mba wafwa kala, onkao mambo kechi bamuchimawine maulu ne.”
BUNGAUZHI
“Aye bamwashile na mambo a mambo etu.”
BYO BWAFIKILE
“Mushilikale umo wamwashile jifumo mu mbavu, ponkapotu mashi ne mema apokomokele.”
BUNGAUZHI
“Kabiji bampele mfweto yami, mashekele a siliva 30.”
BYO BWAFIKILE
“Ponkapo umo wa mu batumwa Jikumi na Babiji, aye Yudasa Isakaliota, wayile ku bañanga bakatampe ne kwibashikisha’mba: ‘Musakumpa ka umvwe nemusolweleye?’ Abo bamwambijile kumupa mali a siliva 30.”