Yesu wanungilepo’mba: “Bino bavula batanshi bo bakapelako, kabiji bapelako bo bakekala batanshi.” (Mateo 19:30) Watazhizhe mu ka?

Awa nsongwalume munonshi wajinga pa bantu “batanshi,” ko kuba’mba bantangi ba Bayudea. Na mambo a kuba’mba walamanga mikambizho ya Lesa, wafwainwe kuba bintu byavula. Pano bino, aye watangizheko bunonshi mu bwikalo bwanji. Bino, bantutu bamwene kuba’mba Yesu wafunjishenga bukine ne jishinda ja ku bumi. Bano bo ‘bapeleleko,’ pano baikala “batanshi.” Babena kutengela kwikala pa matanda mwiulu pamo ne Yesu ne kulama ntanda ya Paladisa.

Yesu po po afuminetu na kubuula banteleki banji mu Pelia amba: “Bavula batanshi bo bakapelako, kabiji bapelako bo bakekala batanshi.” (Mateo 19:30) Kepo alumbulwile kino kupichila mu kwingijisha kishimpi.