• Kipwilo “Kyaikele mu Mutende”
    “Kushimuna Bulongo” Mambo a Bufumu bwa Lesa

    • 12 Ananyasa na lukokelo waswile mwingilo ye bamupele kabiji waubijilwe bibusa. Nanchi mukookela mukambizho wa kushimuna bulongo mambo awama nangwa kya kuba uno mwingilo wimulengela kwikala na bijikila nyi? Bamo bakamwa bingi pa kusapwila ku nzubo ku nzubo nangwa ku benyi. Bakwabo kibakatazha bingi kusapwila pa mapunzha po bobila busulu, mu mikwakwa, pa foni nangwa kwingijisha makalata. Ananyasa washinjile moyo kabiji bamunemekele bingi byo akwashishe Saulo kutambula mupashi wazhila.b Ananyasa wakwashishe Saulo mambo waketekejile mwi Yesu kabiji wamumwene’mba wakonsha kwikala mupopweshi mukwabo wa bwina Kilishitu. Byonka byajinga Ananyasa, ne atweba twakonsha kushinda moyo umvwe twaketekela’mba Yesu ubena kutangijila mwingilo wa busapwishi, kubila bantu lusa kabiji ne kumona boba betuchinya amba bakonsha kwikala balongo betu ba bwina Kilishitu.​—Mat. 9:36.

  • Kipwilo “Kyaikele mu Mutende”
    “Kushimuna Bulongo” Mambo a Bufumu bwa Lesa

    • b Monka mwayijile muzhilo, bya bupe bya mupashi wazhila byapanwanga kupichila mu batumwa. Nangwa byonkabyo, pa kino kintu kyaubiwe, kyamweka Yesu waswishishe Ananyasa kupana bya bupe kwi Saulo. Panyuma ya kwaluka ke mwina Kilishitu, Saulo pa kimye kyabaya kechi wamonañenepo na batumwa 12 ne. Nangwa byonkabyo, kyamweka pa kikye kimye wasapwijilenga. Onkao mambo, Yesu wapele Saulo bulume bwa kutwajijila kwingila mwingilo wanji wa kusapwila.