9. Mambo ka Paulo o aesakenya bena Kilishitu bashingwa ku binungwa bya mubiji?

⁹ Tangai Loma 12:4, 5, 9, 10. Paulo waesakanya bena Kilishitu bashingwa ku binungwa bya mubiji, byo bengijila pamo saka bebatangijila ku Mutwe wabo, aye Kilishitu. (Kolo. 1:18) Wavululamo bena Kilishitu bashingwa amba mubiji uji na binungwa byavula bingila mingilo yapusana pusana, ne kuba’mba ne abo, ‘nangwa bavula, ke mubiji umo mwi Kilishitu.’ Po pamotu, Paulo wakambizhe bena Kilishitu bashingwa mu Efisesa amba: “Monka mu butemwe, tukomenga mwi aye mu bintu byonse, yenkaye mutwe wetu, Kilishitu; mwi aye, mubiji yense, byo anungakana pamo ne kusambakana ke umo konka ku abya bipana manungi onse, pa kwingila bulongo byonse pa kintu, pa kintu, mubiji uya na kubaya ne kwikomesha mwine monka mu butemwe.”—Efi. 4:15, 16.

11. Kukwatankana kwetu kwaimena pa ka, kabiji lujimuno ka lukwabo lo apaine Paulo?

¹¹ Luno lukwatankano lwaikalako mambo a butemwe, “ye mukwato ulumbulula byonse.” (Kolo. 3:14) Mu Loma kitango 12, Paulo waambapo bingi pa kino amba, butemwe bwetu bwafwainwa kwikala “bwa kubula bujimbijimbi” ne kuba’mba “mu butemwe bwa balongo” twafwainwa ‘kwitemwisha na lusa atwe bene na bene.’ Kino kitulengela kwinemeka atweba bene na bene. Mutumwa waambile’mba “mu buneme namo sa mwinemeka anwe bene na bene.” Pano bino kechi twafwainwa kubepekezha kumwesha butemwe mu byambotu ne. Twafwainwa kwingila papelela bulume bwetu kuba’mba kipwilo kikale kyatoka. Byo apainenga lujimuno pa mambo a butemwe, Paulo wanungilepo amba: “Shikwaitu kyatama; kakachilai kyawama.”