Mwingilo ye Tuji Nanji wa Kushimika ne Kuwamisha Mapunzha po Tupopwela

Kushimika nzubo ya Lesa mu Isalela kwakebewenga mali avula ne kwingila na ngovu. Bino, bena Isalela batundaikile uno mwingilo na kizaku. (1Mo 29:2-9; 2Mo 6:7, 8) Byo bapwishishe kushimika nzubo ya Lesa, mingilo ya kuwamisha yo baingijilenga yamwesheshenga bulunda bwabo ne Lesa byo bwakosele. (2Mf 22:3-6; 2Mo 28:24; 29:3) Ne lelo jino, bena Kilishitu bebikako bingi kushimika ne kuwamisha Mazubo a Bufumu ne Mazubo a Kubuñenamo. Kwingijila pamo ne Yehoba mu uno mwingilo ke jishuko jabaya bingi kabiji ke mwingilo wazhila.—Sl 127:1; Lum 7:15.

NE ATWEBA TWAKONSHA KWINGILAKO INGE . . .

• 

  Ketuwamishe ano mapunzha panyuma ya kupwila. Inge kyakonsheka, wamishai po mwakwikala.

• 

  Ketwingileko kimye kyonse mwingilo wa kuwamisha ne kulungisha Nzubo ya Bufumu. Inge bakwingila bavula, mingilo ipeela kabiji ileta bingi lusekelo.—lv ma. 92-93 jifu. 18.

• 

  Ketupaneko mali. Inge mwapana na muchima yense nangwatu ‘tumali twa muwayawaya tubiji twabula kunema’ twakonsha kutokesha Yehoba ku muchima.—Mak 12:41-44.

• 

  Ketwipane kushimikako ne kuwamisha bishimikwa bya kupopwelamo inge twakonsha kuba bino. Kechi mwafwainwa kwikala basendwe mu ino mingilo pa kuba’mba mwingileko ne.