BYAFWAINWA KWIKALA BENA KILISHITU

Ñanyi Bintu byo Mwakonsha Kufunjilako ku Bena Kilishitu Baingijila Lesa pa Myaka Yavula?

Mu kipwilo muji balongo ne banyenga baingijila Yehoba pa myaka yavula bingi. Twakonsha kufunjilako bintu byavula ku byo baketekela mwi Yehoba na muchima yense. Twakonsha kwibepuzha mwapita jibumba ja Lesa ne Yehoba byo ebakwasha kuchinchika meseko o bapitamo mu bwikalo bwabo. Twakonsha ne kwipuzha bano bakikulumpe pa byo bapitamo inge twibeta ku Kupopwela kwa Kisemi kwetu.

Inge kya kuba mwi bena Kilishitu baingijila Lesa pa myaka yavula, mwafwainwa kubuulangako bena Kilishitu banyike bintu byo mwapitamo mu bwikalo bwenu. Yakoba ne Yosefwa babuulangako baana babo bintu bibobijile Yehoba mu bwikalo bwabo. (Nt 48:21, 22; 50:24, 25) Mu kuya kwa moba, Yehoba wakambizhe mitwe ya bisemi kufunjishanga baana babo pa mingilo ya kukumya ya Yehoba. (Mpi 4:9, 10; Sl 78:4-7) Mu ano moba, bansemi ne bakwabotu mu kipwilo bafwainwa kubuulangako bakyanyike bintu byawama byo bemwena byauba Yehoba mu jibumba janji.

TAMBAI VIDYO WA KUBA’MBA KUTWAJIJILA KUKWATANKANA MU KIMYE KYO BAKANYA MWINGILO WETU, APA BINO MUKUMBULE ANO MEPUZHO:

Musampi wa mu kyalo kya Austria wakwashishe byepi balongo ba mu byalo bikwabo mo bakainye mwingilo wa kusapwila?
Balongo bajinga mu byalo mo bakainye mwingilo wetu bakoseshanga byepi lwitabilo lwabo?
Ki ka kyalengejile balongo betu ba ku Romania kufuma mu Jibumba ja Yehoba, kabiji babwelele byepi?
Ano mashimikila akosesha byepi lwitabilo lwenu?

Collage: Bipikichala byafuma mu vidyo wa kuba’mba ‘Kutwajijila Kukwatankana mu Kimye kyo Bakanya Mwingilo Wetu.’ 1. Mapu ubena kumwesha byalo mo bakainye mwingilo wetu ku kabeta ka ku musela wa Europe. 2. Munkinyi wa kupulinchilako wa mimeograph. 3. Balongo bena Romania babena kwipakachilamo. — Koseshainga lwitabilo lwenu mwi Yehoba kupichila mu kwisamba na bena Kilishitu baingijila Yehoba pa myaka yavula!