BYA BUNEME BIJI MU MAMBO A LESA | KULUPUKA 39-40

Mosesa Waubile Bintu Byonsetu byo Bamukambizhe

Mosesa walondejile mikambizho yonsetu yamubuujile Yehoba pa bya kulenga tente wa lusambakeno. Ne atweba twafwainwa kumvwinanga mikambizho yonse yo tutambula mu Jibumba ja Lesa ne kwiilondela na muchima yense kwakubula kuzhinyazhinya. Twafwainwa kuba bino nangwa kya kuba kwiilondela kechi kubena kumweka kunema pa kyo kyo kimye ne, nangwa kampe kechi twayuka kyalengela kwitubuula kuba byobyo ne.—Luk 16:10.

Mambo ka o twafwainwa kumvwinanga ne kulondela mikambizho yo betubuula . . .

pa kusambakana kwa kuya mu mwingilo?
pa bya kwinengezhezha jimo ku bikola bipulumukatu?
pa bya kwinengezhezha jimo ku bya malwa biponakotu?

Collage: Balongo ne banyenga babena kulondela mikambizho yo batambwila. 1. Jibumba ja balongo ne banynga jibena kusambakana pa kuya mu mwingilo pangye ya nzubo. 2. Nyenga ubena kukopa byo afuukulapo pa kubukwa pa pepala ye anemba. 3. Kisemi kibena kulonga mu kyola bya kwingijisha inge mwamweka bya malwa.