Mupashi Wazhila Wibakwashishe Kwingila Mwingilo Wakatazha

Kufumatu ne kala, bantu ba Lesa bengila mingilo imweka kukatazha bingi. Ino mingilo kechi beingila mu bulume bwabo abo bene ne, pa kuba Yehoba ye wibakwasha. Mu 1954, Jibumba ja Lesa jalupwile filimu wa kuba’mba Mwingilo wa Kusapwila Mwaya Ntanda Yonse. Balupwile uno filimu pa kuba’mba akwashe bengijila pa Betele babujile kuyuka bya kulenga mafilimu. Uno mwingilo bamwingijile na mambo a bukwasho bwa mupashi wazhila wa Yehoba. Kino kitulengela kushiinwa’mba twakonsha kwingila mwingilo uji yense ye bakonsha kwitupa inge twaketekela mwi Yehoba.—Zek 4:6.

TAMBAI VIDYO WA KUBA’MBA KUNENGEZHA “FILIMU WAAMBA PA MWINGILO WA KUSAPWILA MWAYA NTANDA YONSE,” APA BINO MUKUMBULE ANO MEPUZHO:

• Mambo ka o bafuukwijilepo kufyatula filimu waamba pa ofweshi mukatampe wa ntanda yonse?

• Filimu wamwesheshe byepi kuba’mba Betele ijitu nobe mubiji wa muntu?—1Ko 12:14-20

• Ñanyi makatazho apichilemo balongo pa kulenga filimu, kabiji beashinjile byepi?

• Kino kyamwekele kitufunjishapo ka pa mupashi wazhila wa Yehoba?