Ñonyi wa Bar-Tailed Godwit byo Enda

ÑONYI wa bar-tailed godwit ukumisha bingi bantu byo enda musinso walepa. Wenda musinso walepa makilomita 11000, moba atanu na asatu.

Langulukai pa kino: Bashayuka ba bya kupesapesa bayuka kuba’mba bañonyi bamo bengijisha bulume budonsa bwa ino ntanda kwibatangijila kuyuka kwa kuya uba nobe baji na kampasi mu mutwe. Kyatanyiwa kuba’mba uno ñonyi umvwe mute, juba jo jimutangijila kuyuka kwa kuya inge bufuku tubangabanga. Uno ñonyi wakonsha ne kuyuka umvwe kubena kwiya kipupu kikatampe kabiji kino kipupu kimukwasha kwenda bukiji. Nangwa byonkabyo, bano bañonyi bakumisha bingi bantu byo benda. Shayuka umo waambile’mba “Nafunda pa bano bañonyi pa myaka 20,” “pano bino nakankalwa kuyuka bulongo byo balengwa.”

Mulangulukapo Amba Ka? Nanchi ñendelo ya uno ñonyi yaishilekotu nyi? Nangwa byo byo alengelwe?