Mepuzho Afuma Ku Batanga
Umvwe mwanamulume ne mwanamukazhi wabula mwinakwanji balaala mu nzubo imo, nanchi ano ke mambo akatampe a kulengelapo kavoto ka mambo nyi?a
Ee, inge kya kuba kechi pajipo bintu byakatezhe byalengejile’mba balaale mu nzubo imo ne, bakonsha kwibalengela kavoto ka mambo na mambo a kuba’mba paji bishinka bibena kumwesha’mba baubile bulalelale.—1 Ko. 6:18.
Jibumba ja bakulumpe jafwainwa kupitulukamo bulongo ne kumona inge bakonsha kulenga kavoto ka mambo. Bakonsha kwiipuzha mepuzho nabiji ano: Nanchi bano bantu babena kukeba kutwela mu masongola nyi? Nanchi bakibakajipilapo kala pa byubilo byabo nyi? Ñanyi bintu byalengejile kuba’mba balaale mu nzubo imo? Nanchi baumvwañene kuba byobyo nyi? Abya pajipo byo bakonsheshe kuba pa kuba’mba babule kutaanwa mu nzubo imo nyi, inyi kuji kintu kikatampe kyamwekele kya kubazhimukilatu kyalengejile’mba bataanwe mu yoyo nzubo bubiji bwabo bufuku bonse? (Sapwi. 9:11) Ndaajilo yajinga byepi? Na mambo a kuba’mba bintu bya uno mutundu bimwekela mu mashinda apusana pusana, kwakonsha kwikala ne bintu bikwabo bakulumpe byo bafwainwa kutalapo.
Inge bataana bishinka, jibumba ja bakulumpe jikalangulukapo inge kya kuba bano bantu bafwainwa kwibalengela kavoto ka mambo.
a Byambo biji mu kino kibaaba bibena kwamba ne pa mwina Kilishitu walaala mu nzubo imo na mukwabo wa mulume nangwa wa mukazhi wayukanyikwa’mba wilaala na banabalume nangwa banabakazhi bakwabo.