Kupitulukamo mu Sukulu wa Mwingilo wa Lesa
Ano mepuzho o tukesamba mu Sukulu wa Mwingilo wa Lesa mu mulungu wa June 29, 2015. Juba ja kwisambapo kishinka kimo kimo bejinemba mu tuzhiko pa kuba’mba kitupelelengako kukebakeba bishinka pa kunengezha kupwila kwa sukulu pa mulungu pa mulungu.
Ki ka kyatamineko ku jishinda Mikala jo esambijilemo ne Davida, kabiji bantu baji mu masongola bafwainwa kufunjilako ka ku jino jishimikila? (2 Sam. 6:20-23) [May 11, w11 10/1 ji. 12]
Ngauzhi Natana waubile byepi kimye Yehoba kyo amufunjileko pa kubuula Davida kuba’mba ashimike nzubo ya Yehoba? (2 Sam. 7:2, 3) [May 11, w12 2/15 ji. 24 mafu. 6-7]
Mambo ka Natana o aambijile kishimpi kiji pa 2 Samwela 12:1-7 mu kifulo kya kumubuulatu Davida amba walenga mambo akatampe? Jino jishimikila jakonsha kwitukwasha byepi kwikala bafunjishi bawama? [May 18, 3w12 2/15 ji. 24 mafu. 2-3]
Mambo ka bena Isalela o bebajimbaikijile kwi Abisalomo, kabiji twakonsha kwizhikijila byepi ku bantu baji nobe “Abisalomo” mu ano moba? (2 Sam. 15:6) [May 25, w12 7/15 ji. 13 jifu. 7]
Yehoba wakwashishe byepi Davida kimye kyo akajilwe, kabiji twakonsha kufunjilako ka ku kino? (2 Sam. 17:27-29) [June 1, w08 9/15 ma. 5-6 mafu. 15-16]
Twakonsha kumwenamo byepi mu byaubile Davida kwi Itai wafumine ku kyalo kingi? (2 Sam. 18:2) [June 1, w09 5/15 ji. 27 jifu. 7]
Bakikulumpe mu kipwilo bakonsha kufunjilako ka ku byaubile Bazilai? (2 Sam. 19:33-35) [June 8, w07 6/1 ji. 27 jifu. 13]
Byambo bya kwa Davida byaamba pa bukishinka bitundaika byepi bakalume ba Yehoba lelo jino? (2 Sam. 22:26) [June 15, w13 6/15 ma. 17-18 jifu. 4]
Natana wamwesheshe byepi bukishinka kwi Lesa, kabiji twakonsha kulondela byepi byubilo byanji ano moba? (1 Mfu. 1:11-14) [June 22, w12 2/15 ji. 25 mafu. 1, 4-5]
Na mambo a bumbulwa kulumbuluka, kalume wa Lesa wakonsha kukankalwa byepi kulondela byakambizha Lesa ne kuba byonka byaubile Solomone? (1 Mfu. 3:1) [June 29, w11 12/15 ji. 10 mafu. 12-14]