Bya Kuba pa Kukebakeba Bishinka

Bya Kufunjisha Baana

Bansemi muji na mwingilo mukatampe wa kufunjisha baana benu pe Yehoba. (Efi. 6:4) Pa kuba’mba kimupeelele anweba bansemi kufunjishanga baana benu bulongo, jibumba ja Yehoba janemba bibaaba byavula, jafyatula mavidyo ne nyimbo yavula. Pano mwafwainwa kwingijisha byepi bino bintu kufunjishishamo baana benu?

• Yai pa keyala wetu wa jw.org. Pa JW.ORG paji byonse byafwainwa kukwasha baana nabiji mavidyo ne bibaaba bya banyike.a Pa kuba’mba mwibitaane, nembaimo “Baana” nangwa “Banyike” pa kayukilo pa kukebela.

• Salai mitwe yafwainwa kukwasha baana benu. Mitwe iji pa kipungu po banemba’mba “Baana” salaipo mavidyo, nyimbo ne bikwabotu byafwainwa kukwasha mwanenu. Pa kuba’mba mutaane bino, nembaimo’mba “Bintu bya Kufunda pa Kupopwela kwa Kisemi.”

• Ikalaingapo na kimye na baana benu. Kange mushenga bunke baana benu na kutamba mavidyo etu nangwa kwibashiila bya kutangatanga kuba’mba balabaminemo ne. Bino isambainga na baana benu ne kwibakwasha kukosesha bulunda bwabo ne Yehoba.