Polowaa
30 Yooŋgu sɔvɛ sɔvɛ Ekɔɔ, po Cheka wo dimul Itiɛɛ nda Yuka wo cho hoo ni.
2 I nɔ diɔmnde mi hiau wana o wana,+
Nduyɛ I nɔ sinapɛŋgu wanachioo nɔ wo le.
3 I pɛɛku wɔ a taasioo okɔɔ le,
Nduyɛ I nɔ kɔl kalu Wana Hiou Diondɔɔ Wo nɔ wo le.
4 Nɛɛnɛ hel lɛ niŋ o choo choo niŋ mbo tual nanuŋ?+
Nɛɛnɛ chuuŋgiaa yɛ niŋ hueiye naapilɛ mbo bii ndi o laba?
Nɛɛnɛ simbul lɛ niŋ mɛŋndaŋ o doma ndɔɔ niŋ?+
Nduyɛ nɛɛnɛ handu yɛ pɛŋgula lɛŋndeŋ le nɔ mi le mɛɛlu wo?+
Te a sina pɛ, mɛɛ ɔɔ diola ndɔlaŋ a diola po ndɔɔ?
5 Nyɛ o nyɛ Mɛlɛka dimi pɛ, o cho o diandaa.+
Ndu cho boo bɛndoo le wanaa viaŋnuŋ o ndu lo wa ni.+
6 Handu nyɛ o nyɛ cheleŋ o nyɛ Mɛlɛka dimi wo choo le.+
Te o cho koŋ te, o cho num miŋgi o nɛi,
Nduyɛ ma simnuŋ wana lachoowaa.
7 I cho num nyunaa le sɔɔŋ ŋ muuŋ,
Nduyɛ kɛɛ le ya muŋ tosallo le tuupa mi vi.
8 Tosa ya mi simnuŋ wana lachoowaa ɔɔ mi hui wana le.+
Nduyɛ, tosa ya mi simnuŋ wana bala fondo ɔɔ wana sulaa le.
Mala ya kinɛi mi sɔla o ya dia wo,+
9 Le halikpeŋ I ve a kɔl hiniaa, mi kɛɛ num, okoŋ mi dimi aa: “O Nɛɛnɛ cho yɛ Chɛhowa?” le.+
Nduyɛ tosa ya mi simnuŋ wana bala fondo, mi luɛi viileŋ, okoŋ mi hiŋ a tɔɔ wɔɔŋndo o diola numndaŋ choo le Mɛlɛka nuu.
10 Tɛɛmbuu buɛiyo tɔɔ masanɔ ndɔɔ o hɔl te,
Yɔŋii o mɛna num okoŋ mi sendi koŋ bii num.+
11 Mi waŋnda apum mɛna finyaa ndaa,
Nduyɛ a nɔ lebɛɛ le kalaa ndaa le.+
13 Waŋnda apum cho, o yoŋgaa niŋ nda tofa ni!
Nduyɛ, heelɔŋndo pila nda heeluŋ ni.+
14 Waŋnda apum cho, mɔɔŋ faŋndoŋ chiŋuŋ ndaŋ cho ni.
Nduyɛ, mɔɔŋ kialu waŋnda bololaŋ ndoŋ yaalola ndalaŋ la cho ni.
Ma bii wanaa cho o kuɛi niŋ o lɛŋndeŋ choo wa ŋuasu ŋuasu,
Nduyɛ ma bii wanaa bala fonduaa biyɔɔ wɔɔŋndo.+
15 Hooŋnda nɔ chuauwa a ŋiɔɔŋ, nduyɛ ma wa chaŋndo aa: “Ke ya! Ke ya!”
Nyɔɔŋ cho ŋgaa ŋ hini kɔl te woŋ,
Kɛlɛŋgaa pɛŋ ŋ hiɔɔlu, fɛɛŋ bɛɛ ŋ dimi nuaa aa: “O cho letuu!” le.
Nduyɛ, fɛɛŋ bɛɛ yiŋndeŋ le dimi nuaa aa: “O cho letuu!” le.
17 Wana o wana siiŋguu pɛ finya ndɔ nyɛ mamaa nduyɛ mbo kɛɛ kala ndɔ diikɔŋndo,+
Basabasakuendiaa o kpoloŋndo* niŋ cho ndu hɔlteŋ kala po,
Nduyɛ mi koviaa chuauwa de leŋ.+
18 Sɔɔŋ cho ŋgaa, ŋ cho bɔɔ sɔɔŋ kɔndɔfili* bɛndu le ya,
Kɛlɛŋgaa pɛŋ ŋ hiɔɔlu, ŋ ya bii bila kposoŋ te woŋ.
19 Mɛɛ kowɔɔ balu o halaa niŋ yɛ,
Mɛɛ kɛuwo balu o poutaŋ tɛɛŋ yɛ,
Mɛɛ dɛndɛ mamɛŋndo kua o mɛŋma ihɛllaŋ choo yɛ,
Nduyɛ a mɛɛ wana pɔnɔɔ tosa sɔɔŋ yɛ te o wa pɛ a wana lanɔ feleŋgɔnɔɔ.
20 Kelala wana lanɔ suundɛiyo la cho laŋ ni:
Mbo de nyɛ, mbo wɔɔsuu sondo ndɔɔ paku,
Mbo dimi aa: “I tosa suɛi o suɛi wɔɔŋ te.”+
21 Sɔɔŋ cho ŋgaa ŋ tosa mi lɛŋndeŋ le hiiluŋ ndoŋ,
Kɛlɛŋgaa pɛŋ ŋ hiɔɔlu, ŋ waŋnda chieeya nɔla ma biunuŋ te woŋ.
22 Te chiɔɔ simnuŋ pɛ masaa,+
Te diɔmndo hiu pɛ nyɛdiaa dioo,
23 Te wana lanɔ waŋnda tul leyɛ wo* simnuŋ pɛ lanɔɔ waŋndo,
Nduyɛ te buɛi laandoo chua pɛ foofo masanɔ ndɔ laandoo.+
25 Sisiŋnda cho nyaa yoomaa dialuŋ kala le,
Kɛ ma nuuviaa nyɛdiaa ndaa a wɔɔleŋ.+
28 Te kpoosiaa pɔmbuaa+ balu haa o chiɛiyo wa holnuŋ pɛ chiɛiyo kpiŋ,
A lo kɔlaŋ haaa ma kɔ luɛi o chiɛi masaa niŋ.
29 Nyaa yoomaa cho a yaa, a cho bɔɔ nyaa yoomaa kɔndɔfili bɛndu,
Kɛlɛŋgaa pɛŋ a cho a hiɔɔlu, a cho bɔɔ nyaa yoomaa kɔndɔfili te a wa kɔlaŋ pɛ:
30 Kpɔkuŋndo,* o cho visi kpaaya bɛndoo visiaa tɛɛŋ ndo,
O nyeenuŋ nyɛ o nyɛ ɔɔ wana o wana le wo,+
31 Tuŋ ledoosoo, chuiŋ bandilaa,
A masa sim puaa nduaa chɔuwa lachi wo.