Chondii Sɔlɔmɔŋ Nde
7 “Nuawɔ se mɛɛ peloŋ naŋ num o kɔwɛila* numndaŋ niŋ yɛ,
Num chua lemasaa hoo!
Lɔlula numndaŋ la cho tiu tiu naŋ chaa nyɛm kɛndɛ kɛndɛŋ,
Wana chaa wallo a laba wo toosiaa woŋ ni.
2 Puleŋ num tiu tiu naŋ chaa taala tiilaŋndo ni.
Maa muɛima muuliaŋ ndaŋ ma chuu o taala kalaa niŋ te fɔ!
Dembe numndo cho ko maa witiiŋ nda dii naapilɛ,
Mi pɔmbiaŋ ma balu muŋ silɔ wo ni.
3 Mɛɛma numndaŋ ma cho ko,
Naŋ chaa puuviaa chuauwa a ŋiɔɔŋ ni.+
4 Kɛsii numnde+ cho ko naŋ chaa bandu nda taŋgul a chiŋuŋ kamaa wo ni.+
Hɔltaŋ la cho num+ wana che pɛ aa mɛŋma tiilaŋndaŋ Hɛsibɔŋ,+
Ma cho o dio kpakioo Bati-luabim ikɛi yaŋ ni.
Miŋ numndo cho ko maa bandu vilɛiyo Lebanɔŋ,
O cho kpeŋgii Damasikɔɔ ve wo.
Yiiŋii num ii vilɛi kɛndɛ kɛndɛi pilaŋ bɔɔ masaa kɔllo.
6 A naŋ bɔɔ fɔ chuaa, nduyɛ naŋɔɔ numndo tosa mi wana hini kɔl.
Oo wana ya kaala wo, num nɛŋi ya kɔllo ni mbo hiou nyɛ o nyɛ!
7 Simnda numndaŋ la cho ko naŋ chaa wauwo ni,
Nduyɛ wana che mɛɛma numndaŋ pɛ aa kpɔŋjɔla kɔmnde wauwo* ni.+
8 Mi dimi aa, ‘I cho wauwo hoo helɔɔ,
Mi kɔ kiolu kpɔŋjɔla ndɔlaŋ.’
Maa mɛɛma numndaŋ ma wa naŋ chaa kilepiima kpɔŋjuaŋ ni,
Mi hueiyii fula num o miliŋ nde nɔ chuŋ kɛndɔɔ maa apuiyaŋ.
9 Nduyɛ, sondo numndo cho ko maa muɛima kɛndɛ kɛndiaŋ.”
“Maa ma hiou wana ya kaala wo o labolo nyɛkɛndɛi,
Mɛɛ muɛiyaŋ ma keeku nuaa waŋndo o ŋchɔchɔ mbo hiounuŋ o luaŋ yikpi yɛ.
10 Wana ya kaala wo nɔ ya ni,+
Nduyɛ le ya o nɔ yeemɛi ni.
11 Oo wana ya kaala wo, huŋ.
Huŋ kɔŋnuŋ kelaŋndo.
Ŋ kɔ chal o tɔlɔɔla hɛna laŋ bɛŋgu.+
12 Ŋ keleŋa chɔnɔŋ idiiyo miŋ kuɛ o kpelela makilepiilaŋ niŋ,
Le chɔɔ te kilepiiyaŋ ma peŋ,
Te ma soli peeŋgelaŋ,+
Nduyɛ te pɔmɛkilanetiiyaŋ bɛɛ ma soli peeŋgelaŋ.+
Loŋ ya cho num kaala nuu chɔm ni.+
13 Manduluiyaŋ+ ma cho chuŋ kɛndɔɔ solioo.
O diola chiɛɛla naalaŋ, komɔɔla kɛndɛla suu o suu cho loŋ.+
Num wana ya kaala wo, komɔɔla ya kendi sɛnɛi laŋ,
A la ya kendi niŋ paandu laŋ kpou la cho la kɛsiaa le num.