၂၂ ဒီးလၢ ဒဲစီဆှံ အလီၢ်ခံ တကပၤ လၢမုၢ်နုာ်တခီအဂီၢ်န့ၣ်​ နကဘၣ်တ့ထီၣ်​ သ့ၣ်ဘ့ၣ်ဘၣ်အကျီၤ ဃုဘ့ၣ်လီၤ.+ ၂၃ နကဘၣ်တ့ သ့ၣ်ဘ့ၣ်ဘၣ်အကျီၤ ခံဘ့ၣ်လၢ ဒဲစီဆှံ အနၢၣ်ခံနၢၣ်​ လၢအလီၢ်ခံတကပၤ အဂီၢ်လီၤ. ၂၄ သ့ၣ်ဘ့ၣ်ဘၣ်အကျီၤလၢ တၢ်အနၢၣ်ခံနၢၣ်​ အဂီၢ်အံၤန့ၣ်​ ကဘၣ်မ့ၢ် သ့ၣ်ဘ့ၣ်ဘၣ်ခံဘ့ၣ်​ စးထီၣ်လၢ အဖီခိၣ်​ တုၤလၢ အဖီလာ်လီၤ. ဒီးသ့ၣ်ဘ့ၣ်ဘၣ်အကျီၤ ခံဘ့ၣ်အံၤ ကဘုးတာ်လိာ်အသး ဖဲကွီၤအဆိကတၢၢ် တကွီၤန့ၣ်လီၤ. ၂၅ သ့ၣ်ဘ့ၣ်ဘၣ်အကျီၤ ကအိၣ်ဝဲ ဃိးဘ့ၣ်​ ဒီးအခီၣ်လီၢ်လၢ ဘၣ်တၢ်တ့အီၤလၢ စ့ညၣ်န့ၣ်​ ကအိၣ်ဝဲ ၁၆ ဘ့ၣ်လီၤ. အဃိ လၢသ့ၣ်ဘ့ၣ်ဘၣ်အကျီၤ တဘ့ၣ်စုာ်စုာ်အဖီလာ်န့ၣ်​ အခီၣ်လီၢ် ကအိၣ်ဝဲခံဘ့ၣ်လီၤ.