၁၀ “အဝဲသ့ၣ်​ ကဘၣ်တ့ထီၣ်​ တလါစီဆှံလၢ သ့ၣ်ဖှ့ၡံးတၤ ဒီးကဘၣ်ထီဝဲ ခံပျၢ်တထါ,* ကဘၣ်လဲၢ်ဝဲ တပျၢ်တထါ ဒီးအကစီၤထီၣ်ထီ ကဘၣ်အိၣ်ဝဲ တပျၢ်တထါလီၤ.+ ၁၁ ဒီးလၢတလါစီဆှံအပူၤ ဒီးအချၢန့ၣ်​ နဘၣ်ကျးအီၤဒီး ထူစီကဘျၣ်တဖၣ်+ ဒီးအခိၣ်ဒူန့ၣ်​ နဘၣ်ကျီၤဝးတရံးအီၤ လၢထူလီၤ.+ ၁၂ ဒီးနဘၣ်တ့ထီၣ်​ ထူအကွီၤလွံၢ်ကွီၤ ဒီးထီထီၣ်ကွီၤတဖၣ်အံၤလၢ အခီၣ်လွံၢ်ခီ အဖီခိၣ်​ အဃိ လၢတကပၤန့ၣ်​ ကွီၤကအိၣ်​ ခံကွီၤ ဒီးလၢ အဝဲတကပၤန့ၣ်​ ကွီၤကအိၣ်​ ခံကွီၤလီၤ. ၁၃ ဒီးနကဘၣ်တ့ထီၣ်​ နီၣ်ယိးဘိတဖၣ်လၢ သ့ၣ်ဖှ့ၡံးတၤ ဒီးနကဘၣ်​ ကျးအီၤလၢ ထူကဘျၣ်လီၤ.+ ၁၄ နကဘၣ်​ ဂိာ်လီၤ နီၣ်ယိးဘိတဖၣ်လၢ ထူကွီၤတဖၣ်အပူၤလၢ တလါစီဆှံ အကပၤ ခံကပၤလၢာ် ဒ်သိး ပှၤကယိးတလါ အဂီၢ်လီၤ. ၁၅ ဒီးနီၣ်ယိးဘိတဖၣ်​ ကဘၣ်ဆဲးအိၣ်လၢ တလါစီဆှံ အကွီၤတဖၣ်အပူၤ ဒီးပှၤတဘၣ်​ ထုးထီၣ်ကွံာ်အီၤဘၣ်.+