၃၀ “နဘၣ်တ့ထီၣ်​ တၢ်လုၢ်လီၢ်လၢ သ့ၣ်ဖှ့ၡံးတၤ+ ဒ်အမ့ၢ် တၢ်လီၢ်လၢ တၢ်ကဒွဲၣ်ထီၣ်​ တၢ်နၢမူ အဂီၢ်လီၤ.+ ၂ တၢ်လုၢ်လီၢ်န့ၣ်​ အလဲၢ်ကဘၣ်အိၣ်​ တပျၢ်,* အဒီၣ်ဃီၤ ကဘၣ်အိၣ်​ တပျၢ် ဒီးကဘၣ်မ့ၢ် တၢ်လွံၢ်နၢၣ်လၢ အကနူၤ ထဲသိးလိာ်အသး ဒီးအကစီၤထီၣ်ထီ ကဘၣ်အိၣ်​ ခံပျၢ်လီၤ. ဒီးအနၢၤတဖၣ်န့ၣ်​ ကဘၣ်အိၣ်​ တဆဲးဃီဒီး တၢ်လုၢ်လီၢ်လီၤ.+ ၃ တၢ်လုၢ်လီၢ် အဖီခိၣ်, အကပၤ ကိးကပၤဒဲး ဒီးအနၢၤတဖၣ်န့ၣ်​ နကဘၣ်​ ကျးအီၤဒီး ထူစီကဘျၣ်တဖၣ်လီၤ. ဒီးနကဘၣ်​ ကျီၤဃာ်တၢ်လုၢ်လီၢ် အဖီခိၣ်​ အကနူၤဝးဝး လၢထူလီၤ. ၄ နကဘၣ်တ့ထီၣ်​ ထူအကွီၤခံကွီၤ ခံကွီၤ လၢတၢ်လုၢ်လီၢ် အခိၣ်လၢ အကျီၤဃာ်အသးအဖီလာ် ခံကပၤ ဒ်သိး ပှၤကဂိာ်နုာ် နီၣ်ယိးဘိလၢ ကယိးဝဲ တၢ်လုၢ်လီၢ် အဂီၢ်လီၤ. ၅ နကဘၣ်တ့ထီၣ်​ နီၣ်ယိးဘိတဖၣ်​ လၢသ့ၣ်ဖှ့ၡံးတၤ ဒီးနကဘၣ်​ ကျးအီၤဒီး ထူကဘျၣ်တဖၣ်လီၤ.